నాగ్ సినిమాకు గోపిసుందర్ మ్యూజిక్

Posted: 02/11/2015 01:52 PM IST

Gopi sunder music for nagarjuna vamshi paidipally multistarrer

శర్వానంద్, నిత్యామీనన్ జంటగా నటించిన ‘మళ్లీ మళ్లీ ఇది రానిరోజు’ చిత్రం ఇటీవలే విడుదలై ఘన విజయం సాధించింది. హిట్ టాక్ తో, హౌస్ ఫుల్ కలెక్షన్లతో నడుస్తోంది. ఈ సినిమాకు గోపిసుందర్ అద్భుతమైన సంగీతాన్ని అందించాడు. వినసొంపైన పాటలతో పాటుగా రీరికార్డింగ్ కూడా అద్భుతంగా చేసాడంటూ ప్రశంసలు వస్తున్నాయి.

తాజాగా గోపిసుందర్ కు ఓ భారీ బడ్జెట్ చిత్రానికి సంగీతం అందించే అవకాశం దక్కింది. ‘ఎవడు’ చిత్రం వంటి బ్లాక్ బస్టర్ హిట్ చిత్రం తర్వాత వంశీ పైడిపల్లి దర్శకత్వంలో ఓ మల్టీస్టారర్ చిత్రం రూపొందనున్న విషయం తెలిసిందే. అక్కినేని నాగార్జున, తమిళ స్టార్ హీరో కార్తీ ప్రధాన పాత్రలలో నటించనున్న ఈ చిత్రాన్ని ప్రముఖ అగ్ర నిర్మాణ సంస్థ pvp బ్యానర్లో నిర్మాత ప్రసాద్.వి.పోట్లూరి నిర్మించనున్నాడు.

ఈ సినిమాకు ముందుగా దేవిశ్రీప్రసాద్ ను సంగీత దర్శకుడిగా అనుకున్నారు. కానీ ఇపుడు దేవి స్థానంలో గోపిసుందర్ ను ఎంపిక చేసారు. అందుకే ఈ మల్టీస్టారర్ చిత్రానికి గోపిసుందర్ ను తాజాగా సంగీత దర్శకుడిగా ఎంపిక చేసారు. ఇందులో కార్తీ సరసన శృతిహాసన్ హీరోయిన్ గా నటించనుంది. త్వరలోనే ఈ ప్రాజెక్టును సెట్స్ పైకి తీసుకెళ్లాలని చిత్ర యూనిట్ సన్నాహాలు చేస్తున్నారు. మార్చి చివర్లో షూటింగ్ ప్రారంభం కానున్నట్లుగా తెలిసింది. త్వరలోనే ఈ ప్రాజెక్టుకు సంబంధించిన అన్ని వివరాలు అధికారికంగా ప్రకటించనున్నారు.