ఈనెల 13న సాయి ‘తుంగభద్ర’ ఆడియో

Posted: 02/10/2015 03:56 PM IST

వరుస బ్లాక్ బస్టర్ హిట్ చిత్రాల నిర్మాత సాయి కొర్రపాటి ‘వారాహి చలచ చిత్రం’ పేరుతో ఓ బ్యానర్ ఏర్పాటు చేసి... ‘ఈగ’, ‘లెజెండ్’, ‘ఊహలు గుసగుసలాడే’, ‘దిక్కులు చూడకు రామయ్యా’ వంటి బ్లాక్ బస్టర్ హిట్ చిత్రాలను నిర్మించిన విషయం తెలిసిందే. అలాంటి ‘వారాహి చలచ చిత్రం’ బ్యానర్లో ‘తుంగభద్ర’ అనే చిత్రం రాబోతుంది. ఈ సినిమాతో సాయికొర్రపాటి మరోసారి హిట్ కొట్టడానికి సిద్ధమయ్యారు.

‘ఊహాలు గుసగుసలాడే’ సినిమాతో అవసరాల శ్రీనివాస్, ‘దిక్కులు చూడకు రామయ్యా’ సినిమాతో త్రికోటి దర్శకులుగా పరిచయమయ్యారు. ఇపుడు ‘తుంగభద్ర’ సినిమాతో శ్రీనివాస్ కృష్ణ గోగినేని దర్శకుడిగా పరిచయం అవుతున్నాడు. ఈ సినిమాలో అదిత్, డింపుల్ చొపాడే హీరోహీరోయిన్లుగా నటిస్తున్నారు. ఇందులో ప్రముఖ తమిళ నటుడు సత్యరాజ్ ఓ కీలక పాత్రలో నటించారు. ఈ సినిమాకి హరి గౌర మ్యూజిక్ అందిస్తున్నాడు.

ఈ చిత్ర ఆడియోను ఈనెల 13వ తేదిన విడుదల చేయడానికి సన్నాహాలు చేస్తున్నారు. అదే విధంగా సినిమాను ఈనెల 26న విడుదల చేయాలని అనుకుంటున్నట్లుగా తెలిసింది. త్వరలోనే అధికారిక ప్రకటన విడుదల చేయనున్నారు. పల్లెటూరి ప్రేమకథా చిత్రంగా రూపొందిన ‘తుంగభద్ర’ సాయికొర్రపాటికి ఎలాంటి విజయాన్ని అందించనుందో త్వరలోనే తెలియనుంది.