కాబోయే మొగుడి కోసం బోరుమంటుందట

Posted: 02/02/2015 10:37 AM IST

సౌత్ హీరోయిన్ త్రిష నిశ్చితార్థం ఇటీవలే ప్రముఖ వ్యాపారవేత్త, నిర్మాత అయినటువంటి వరుణ్ మనియన్ తో ఘనంగా జరిగిన విషయం తెలిసిందే. త్వరలోనే పెళ్లిచేసుకోనున్న వీరి జీవితంలోకి బెదిరింపులతో గందరగోళం మొదలయ్యిందని తెలిసింది.

వరుణ్ మనియన్ ప్రముఖ క్రికెట్ జట్టు చెన్నై సూపర్ కింగ్స్ జట్టును కొనుగోలు చేయబోతున్నట్లుగా గతకొద్దిరోజులుగా వార్తలొస్తున్నాయి. ఈ వార్తలపై వరుణ్ మనియన్ కూడా ఖండించాడు. తాను ఎలాంటి జట్టును కొనుగోలు చేయడంలేదని తేల్చేసాడు. అయినా కూడా ఈ వార్తలు ఆగడంలేదు.

దీంతో కొంతమంది అగంతకులు వరుణ్ కు ఫోన్ చేసి చెన్నై సూపర్ కింగ్స్ జట్టును కొనుగోలు చేస్తే చంపేస్తామంటూ బెదిరిస్తున్నారట. కేవలం ఒక్క గంటలోనే నాలుగైదు సార్లు బెదిరింపు కాల్స్ రావడంతో వరుణ్, త్రిషలు భయపడుతున్నారట.

దీంతో వరుణ్‌ ఆదివారం స్థానిక తేనాంపేటలో పోలీసుస్టేషన్‌లో ఫిర్యాదు చేశాడు. తనను బెదిరిస్తున్న ఆగంతుకులపై తగిన చర్యలు తీసుకోవాలని తెలిపినట్లుగా తెలిసింది. వరుణ్ కు ఇలాంటి కాల్స్ రావడంతో త్రిష కూడా చాలా కంగారుపడుతోందట.

ఈ విషయంపై ఇద్దరూ కూడా అతిత్వరలోనే మీడియా ద్వారా చెన్నై సూపర్ కింగ్స్ జట్టును కొనుగోలు చేయడం లేదని చెప్పడానికి రాబోతున్నట్లుగా తెలిసింది. ప్రస్తుతం త్రిష, వరుణ్ లు తమ పెళ్లి పనుల్లో బిజీగా వున్నారు.