టాలీవుడ్’లో నవ్వులరేడుకి పరాభావం!

Posted: 01/31/2015 01:15 PM IST

Ms narayana condolence meeting movie art association tollywood news

తన నటనతో, కామెడీ పంచ్ డైలాగులతో తెలుగు ప్రేక్షకులను కడుపుబ్బా నవ్వించి కమేడియన్’గా సుస్థిరస్థానం సాధించిన ఎమ్మెస్ నారాయణ.. ఇటీవలే మరణించిన విషయం తెలిసిందే! కేవలం 20ఏళ్ల సినీకెరీర్’లో దాదాపు 700కు పైగా సినిమాల్లో నటించి నవ్వుల జల్లులు కురిపించారు. అలా అందిరినీ నవ్వించిన ఈ నవ్వులరేడుకి నేడు టాలీవుడ్’లో పరాభావం ఎదురయ్యింది.

వివరాల్లోకి వెళ్తే.. టాలీవుడ్ నటీనటులు ఎవరైనా మరణిస్తే.. వారి గౌరవార్థం సంస్మరణ సభను ఏర్పాటు చేయడం ఎప్పటినుంచో ఆనవాయితీగా వస్తోంది. అయితే.. ఎమ్మెస్ మృతిచెందిన వారం రోజులు అయినప్పటికీ.. ఆయన సంస్మరణ సభ ఏర్పాటు విషయంపై ఏపీ ఫిల్మ్ ఛాంబర్ గాని, మూవీ అసోసియేషన్ కాని, తెలుగు చిత్ర నిర్మాతల మండలి గాని, దర్శకుల మండలిగానీ పట్టించుకోవడం లేదు. ఆ మాటకొస్తే తమకు ఏమీ తెలియదన్నట్లుగా అందరూ వ్యవహరిస్తున్నారని సమాచారం! దీంతో తెలుగు ప్రేక్షకులు ఆశ్చర్యంలో మునిగిపోయారు. ఇంకా ఎమ్మెస్ సంస్మరణ సభ ఎందుకు ఏర్పాటు చేయడం లేదంటూ సందేహాలు వ్యక్తం చేస్తున్నారు.

ఇదిలావుండగా.. ఎమ్మెస్ సంస్మరణ సభ ఏర్పాటు విషయంపై ఆయన కుటుంబసభ్యులు ‘'మూవీ ఆర్ట్ అసోసియేషన్(మా)'ని సంప్రదించారట! అయితే.. అలాంటి సభ ఏర్పాటు నిర్వహించేది లేదని వారు సమాధానం ఇచ్చారని తెలుస్తోంది. దీంతో కుటుంబసభ్యులు చేసేదేమీ లేక బాధతో ఆవేదన వ్యక్తం చేసినట్లు సమాచారం!