వదిన ఫ్రెండ్’ని మొగ్గులోకి దింపిన మనోజ్..

Posted: 01/20/2015 01:02 PM IST

టాలీవుడ్ ఎనర్జిటిక్ హీరోగా పేరొందిన మంచు మనోజ్.. ఇన్నాళ్లూ ఎవరికీ తెలియకుండా రహస్యంగా తన ప్రేమవ్యవహారాన్ని నడిపించాడు. తాను ఎవరినీ ప్రేమించడం లేదంటూ చెప్పుకుంటూ వచ్చిన ఈ యంగ్ హీరో.. తన వదిన ఫ్రెండ్’నే మొగ్గులోకి దించేసి ఇప్పుడు పెళ్లికి కూడా సిద్ధమయ్యాడని ప్రచారం కొనసాగుతోంది. అంటే.. త్వరలోనే ఈ బ్యాచిలర్ హీరోగా కూడా ఓ ఇంటివాడు కాబోతున్నాడన్నమాట! ఇంతకీ.. ఆ వదిన ఫ్రెండ్ ఎవరా..? అని అనుకుంటున్నారా! అయితే మేటర్’లోకి వెళ్లాల్సిందే!

బిట్స్ పిలానీ కాలేజీలో చదువుకుంటున్న ప్రణీత రెడ్డి.. మంచువిష్ణు భార్య వెరోనికా స్నేహితురాలు. అంతే.. మంచు ఫ్యామిలీకి సన్నిహితురాలేనన్నమాట! తన వదిన ద్వారా ప్రణీతతో పరిచయం పెంచుకున్న మనోజ్.. ఆ పరిచయం స్నేహంగా మారింది. కొన్నాళ్ల తర్వాత ఆ స్నేహం ప్రేమగా మారింది. ఇలా గతకొంతకాలం నుంచి పీకల్లోతు ప్రేమించుకుంటున్న ఈ జంట.. త్వరలోనే ఎంగేజ్’మెంట్ చేసుకోబోతున్నారని, ఇందుకు సంబంధించి ఇరుకుటుంబాలు నుంచి కూడా గ్రీన్ సిగ్నల్ అందినట్లు సమాచారం! త్వరలోనే ఈ విషయాన్ని మంచువారు అధికారికంగా ప్రకటించనున్నట్లు వార్తలొస్తున్నాయి.

అయితే.. మనోజ్ మాత్రం తన ప్రేమ, పెళ్లి వ్యవహారాలపై వస్తున్న వార్తలపై ఏమాత్రం పెదవి విప్పడం లేదు. ‘కరెంట్ తీగ’ సక్సెస్’తో కాస్త జోష్ మీదున్న మనోజ్.. తన తదుపరి చిత్రంపైనే దృష్టి సారించాడు. ఇప్పటికే అన్ని కార్యక్రమాలు పూర్తి చేసుకున్న ఈ మూవీ.. త్వరలోనే సైట్స్ పైకి వెళ్లనుంది. ఇక అన్ని కుదిరితే.. ఈ మూవీ తర్వాతగానీ లేదా అంతకన్నా ముందే మనోజ్ నిశ్చితార్థం జరగడం ఖాయమని ఇండస్ట్రీలో ప్రచారాలు జోరుగా సాగుతున్నాయి. మరి.. దీనిపై మనోజ్ క్లారిఫికేషన్ ఎప్పుడిస్తాడో?

AS