అన్నయ్య కోసం ఆ మాత్రం చేయలేడా..?

Posted: 01/05/2015 02:53 PM IST

నందమూరి ఫ్యామిలీ హీరోల మద్య విభేదాలు ఉన్నాయని అందరికి తెలుసు. ఇదే సమయంలో సాయం కోసం అంతా ఒక్కటవుతారని కూడా తెలిసిందే. గతంలో చాలాసార్లు ఇది ప్రూవ్ అయింది కూడా. జనవరి 1న జరిగిన ‘పటాస్’ ఆడియో విడుదల కార్యక్రమంలో కళ్యాణ్ రామ్ తో కలిసి తారక్ సందడి చేశాడు. అన్నయ్య కార్యక్రమానికి ఆహ్వానం లేదనీ..తమ్ముడికి థ్యాంక్స్ అక్కర్లేదని నందమూరి సోదరులిద్దరూ ఒక్కటే అన్నట్లుగా వ్యవహరించారు. అప్పుడలా అన్నయ్య ఆడియో రిలీజ్ కు వచ్చిన తారక్.., తమ్ముడిగా మరో సాయం చేస్తున్నాడు. అదే మాట సాయం.

ఈ మద్య ఒకరి సినిమాలకు మరొకరు వాయిస్ ఇవ్వటం సాధారణమయింది. ఇందుకు ఎవరూ అతీతులు కాదు. తాజాగా ఎన్టీఆర్ కూడా కళ్యాణ్ రామ్ కోసం వాయిస్ ఇస్తున్నాడట. ‘పటాస్’ మూవీకి తారక్ గొంతు కలిపినట్లుగా ఫిలింనగర్ లో గుసగుసలు విన్పిస్తున్నాయి. అయితే ఇది ఎంతవరకు నిజమో తెలియదు. ఎందుకంటే.., అంతకుముందు ‘పటాస్’లో యంగ్ టైగర్ డాన్స్ చేశాడని పుకార్లు వచ్చాయి. కాబట్టి ఈ వాయిస్ ఓవర్ కూడా కేవలం పుకారేనా లేక నిజంగా ఇచ్చాడా అనేది సినిమా విడుదల అయితేనే తెలుస్తుంది.

కళ్యాణ్ రామ్ పోలిస్ ఆఫీసర్ గా కన్పిస్తున్న ఈ మూవీని ఎన్టీఆర్ ఆర్ట్స్ బ్యానర్ పై నిర్మిస్తున్నారు. శృతి సోది హీరోయిన్ గా నటిస్తుండగా.., సాయి కార్తిక్ సంగీతం అందిస్తున్నాడు. నూతన సంవత్సర కానుకగా విడుదల అయిన మూవీ ఆడియోకు మంచి స్పందన వచ్చింది. దీంతో సినిమా కూడా సూపర్ హిట్ అవుతుందని నందమూరి ఫ్యాన్స్ బావిస్తున్నారు. తమ్ముడు ‘టెంపర్’ పేరుతో పోలిస్ ఆఫీసర్ గానే వస్తుండటంతో.., తారక్ కు ధీటుగా కళ్యాణ్ రామ్ ను అనిల్ రావిపూడి ఎలా చూపించాడా అని ఎగ్జైట్ మెంట్ తో ఎదురుచూస్తున్నారు.