మాస్ హీరోతో సైడ్ ట్రాక్ నడుపుతుందట..?

Posted: 12/12/2014 04:01 PM IST

‘ఊహలు గుసగుసలాడే’ సినిమాతో టాలీవుడ్ ప్రేక్షకుల ఊహల సుందరిగా మారిన రాశి ఖన్నా ప్రస్తుతం ఇండస్ర్టీలో లేటెస్ట్ హీరోయిన్స్ బెస్ట్ లిస్ట్ లో చోటు సంపాదించింది. తొలి సినిమాతోనే ఆకట్టుకోవటంతో ముంబై ముద్దుగుమ్మ కోసం టాలీవుడ్ డైరెక్టర్లు తెగ ఫోన్లు చేస్తున్నారట. ఎప్పుడెప్పుడు రాశితో మాట్లాడి సినిమాలకు డేట్లు ఫిక్స్ చేసుకోవాలా అని చూస్తున్నారు. ఇలా అందరూ వెయింటింగ్ లో ఉండగానే అమ్మడిని మాస్ హీరో ఎగరేసుకుపోయినట్లు టాక్ విన్పిస్తోంది. త్వరలో తెరకెక్కనున్న ‘బెంగాల్ టైగర్’ మూవీ కోసం డైరెక్టర్ రాశిని ఎంపిక చేసినట్లు ఫిలింనగర్ వర్గాల సమాచారం.

ఈ మూవీలో తమన్నా లీడ్ రోల్ చేస్తుందని ఇప్పటికే మూవీ యూనిట్ వర్గాలు చెప్తున్నాయి. దీంతో అమ్మడిది సెకండ్ ట్రాక్ క్యారెక్టర్ అంటే సెకండ్ లీడ్ అని చెప్తున్నారు. ‘పవిత్ర పుష్పం కావాలంటే దేవుడి మెడలోనే ఉండాలా.. పాదాల దగ్గరైనా పర్వాలేదు’ అన్నట్లుగా రవితేజ సినిమాలో ఎక్కడ ఉన్నా హీరోయిన్ హైలైట్ అవుతుంది. ఈ మూవీ రాశికి పెద్ద ఆఫర్ అనే చెప్పాలి. అయితే అమ్మడి ఎంపికపై మూవీ యూనిట్ ఇంకా అధికారిక ప్రకటన చేయలేదు. అయితే ‘ఊహలు గుసగుసలాడే’లో సైలెంట్ క్యారెక్టర్ చేసిన రాశి.., రవితేజ లాంటి ఫుల్ ఎనర్జీ హీరో పక్కన సూట్ అవుతుందా అని డౌట్ కలుగుతోంది.

సంపత్ నంది డైరెక్ట్ చేయనున్న ‘బెంగాల్ టైగర్’ సినిమా షూటింగ్ త్వరలో ప్రారంభం కానుంది. శ్రీ సత్య సాయి ఆర్ట్స్ బ్యానర్ పై కె.కె. రాధా మోహన్ ఈ ప్రాజెక్టును నిర్మిస్తున్నాడు. ఇకపోతే బాలీవుడ్ లో ‘మద్రాస్ కేఫ్’తో ఇండస్ర్టికి ఎంట్రీ ఇచ్చిన ముంబై మోడల్ తొలి సినిమాతోనే హాట్ గర్ల్ అన్పించుకుంది. నటనకు మంచి మార్కులు పడటంతో తెలుగులో ‘ఊహలు గుసగుసలాడే’లోకి తీసుకున్నారు.

కార్తిక్