నేచురాలిటీకోసం బొమ్మాళి బలిసిపోతోందట!

Posted: 12/01/2014 04:17 PM IST

Anushka shetty latest dual role movie news increasing adiposity raghvendra rao son prakash kovelamudi

మూడుపదుల వయస్సు దాటినా కూడా నేటి యువకథానాయికలతో పోటీపడుతూ తన చెరగని అందంతో ప్రేక్షకుల మనసుల్ని దోచుకుంటున్న అనుష్క శెట్టి.. ప్రస్తుతం ‘రుద్రమదేవి, బాహుబలి’ భారీ ప్రతిష్టాత్మక చిత్రాల్లో నటిస్తున్న విషయం తెలిసిందే! ఆ చిత్రాల్లో ఈ అమ్మడు ఎన్నడూలేని విధంగా స్టంట్స్, ఫైట్స్ చేస్తోంది. సదరు సన్నివేశాల్లో నటించేందుకు అనుష్క తన ఫిజిక్’ని బాగానే మెయింటెన్ చేస్తోంది. ఎక్కువ బరువు పెరగకుండా తనకిష్టమైన ఆహారాల్ని వదిలేయడంతోబాటు రెగ్యులర్ డైటింగ్ చేస్తోందట!

కానీ ఆ చిత్రాల షూటింగ్ అనంతరం ఆమె చేయబోయే తదితర చిత్రంకోసం మాత్రం బాగానే బలిసిపోతోందని సమాచారం! వివరాల్లోకి వెళ్తే.. రాఘవేంద్రరావు తనయుడు ప్రకాష్ కోవెలమూడి త్వరలో అనుష్క కథానాయికగా ఓ చిత్రం చేసేందుకు ప్లాన్ చేస్తున్నాడు. ఆ సినిమాలో ఈ మూడుపదుల భామ ద్విపాత్రాభినయం చేస్తోంది. అందులో ఓ పాత్రలో సన్నగానూ, మరోసాత్రలో ప్రస్తుతమున్న ఫిజిక్ కంటే రెండు రెట్లు ఎక్కువగా అంటే 100 కిలోలపైనే బరువు వుండాలట! ఈ విధంగా రెండుపాత్రల గురించి డైరెక్టర్ చెప్పగానే.. కాస్త ఇంట్రెస్టింగ్ వుందంటూ వెంటనే ఓకే అనేసిందట అమ్మడు.

అయితే ఇప్పుడున్న అనుష్క ఒక్కసారి 100 కిలోల బరువు పెరగటం అంత సాధ్యం కాదు.. పైగా తర్వాత బరువు తగ్గడం ఇబ్బందికరంగా మారుతుందనే ఉద్దేశంతో డైరెక్టర్ ఆ బరువుపాత్రను ట్రిక్ కెమెరా కానీ, సీజీ ద్వారా కానీ మేనేజ్ చేద్దామని చెప్పాడట! కానీ అందుకు ఆ ముద్దుగుమ్మ అందుకు ఒప్పుకోవడం లేదట! ‘నేను నేచురల్’గానే బరువు పెరుగుతాను’ అంటూ పట్టుపట్టిందట! ప్రస్తుతం చేస్తున్న సినిమాలు పూర్తవగానే ఇక బరువు పెంచే పనిలో పడుతుందని అంటున్నారు!