ఒకేసారి నలుగురితో రొమాన్స్ చేస్తున్న నటి..?

Posted: 11/15/2014 09:30 AM IST

ఒక సినిమాలో హీరయిన్ ఒక్కరితో లేదంటే ఇద్దరితో రొమాన్స్ చేయటం తెలిసిందే. కాని ఒకే కధలో ఏకంగా నలుగురితో అదీ ఏకకాలంలో అంటే మామూలు విషయం కాదు. ఈ చాన్స్ ఎవరికి వస్తుందో తెలియదు కానీ.., ఒక్కదెబ్బతో కోట్లు కూడబెట్టనుంది. బాలీవుడ్ లో హిట్ అయిన స్పెషల్ 26 మూవీని ప్రస్తుతం తెలుగులో రీమేక్ చేస్తున్నారనే విషయం తెలిసిందే. ఈ మూవీ తెలుగుతో పాటు సౌత్ లోని నాలుగు భాషల్లో తీసేందుకు ప్లాన్ చేస్తున్నారు. ఇందుకోసం హీరోల సెలక్షన్ అయిపోయింది. ఒక్కో ఇండస్ర్టీలో ఒక్కో హీరోను ఎంపిక చేశారు. అయితే నలుగురికి కలిపి ఒకే హీరోయిన్ ఉంటుందని రీమేక్ హక్కులు దక్కించుకున్న త్యాగరాజన్ తెలిపాడు.

దీంతో తెలుగు, తమిళ, కన్నడ, మళయాల భాషల్లో నటించే సింగిల్ హీరోయిన్ ఎవరా...? అని చర్చ మొదలైంది. నాలుగు ఇండస్ర్టీల్లో కలిపి టాప్ ప్లేస్ లో ఉండే నటిని ఎంపిక చేస్తారని తెలుస్తోంది. ప్రస్తుతం సౌత్ లో టాప్ అంటే సమంత, శృతిహాసన్, తమన్నా ఉన్నారు. వీరు కాకుండా ఈ మద్యే వెలుగుతున్న స్టార్లు రకుల్ ప్రీత్ వంటి వారు కూడా ఉన్నారు. అయితే మూవీలో హీరోయిన్ క్యారెక్టర్ తక్కువగా ఉండటంతో పెద్ద స్టార్లు చేయటానికి ఒప్పుకోకపోవచ్చు. కాబట్టి చిన్న హీరోయిన్లకే నలుగురితో రొమాన్స్ చేసే చాన్స్ ఉంటుందని తెలుస్తోంది. ఈ వివరాలు త్వరలోనే తెలిసే అవకాశముంది.

ఇక హీరోల విషయానికి వస్తే.., తెలుగులో రవితేజతో సినిమా చేస్తున్నట్లు త్యాగరాజన్ ప్రకటించాడు. తమిళంలో ప్రశాంత్ నటిస్తాడని చెప్పాడు. మళయాలంలో దిలీప్, కన్నడలో దర్శన్ తో దీనిపై చర్చలు జరుగుతున్నాయని త్వరలోనే స్పష్టత వస్తుందన్నారు. వైవిధ్యభరితమైన కథతో తెరకెక్కిన ‘స్పెషల్ 26’ సినిమా బాలీవుడ్ లో హిట్ అయిన విషయం తెలిసిందే. అజయ్ దేవగణ్ హీరోగా వచ్చిన ఈ సినిమా సూపర్ హిట్ అయి భారీ కలెక్షన్లు వసూలు చేసింది. దీంతో సౌత్ రీమేక్ కోసం పోటిపడి మరి త్యాగరాజన్ సొంతం చేసుకున్నారు.

కార్తిక్