దానికి పనికొస్తాడంటారా...?

Posted: 11/13/2014 06:37 PM IST

హీరోగా, నిర్మాతగా తనను తాను నిరూపించుకున్న మంచు విష్ణు మరో ప్రయోగం చేసేందుకు సిద్దమవుతున్నాడు.  రామ్ గోపాల్ వర్మ తాజా సినిమా ‘గొలుసు’ లో మంచు విష్ణు నటిస్తున్నట్లు తెలుస్తోంది. గతంలో యాక్షన్ తో పాటు వర్మ సినిమా చేసిన అనుభవంతో మరోసారి ఇలాంటి సినిమా చేసేందుకు సిద్ధమవుతున్నాడు. అయితే అనుక్షణం అయితే హిట్ అయింది కాని ప్రస్తుతం వర్మ మూవీ కాన్సెప్టులు ఫెయిల్ అవుతున్నాయి. ఇలాంటి సమయంలో వర్మ కధకు విష్ణు పనికివస్తాడా.. లేక పరాభవం చవిచూస్తాడా అనే సందేహాలు వ్యక్తం అవుతున్నాయి.

‘గొలుసు’ సినిమాలో రానా నటిస్తాడని ముందుగా అనుకున్నారు. అయితే కెరీర్ మీద భయంతో రానా ఈ ప్రాజెక్టు నుంచి తప్పుకున్నాడు. దీంతో వర్మ మరో హీరో కోసం వెతుకులాట మొదలు పెట్టాడు. ఈ క్రమంలోనే విష్ణు తగిలాడట. గతంలో పలు సినిమాలు చేసిన ఎక్స్ పీరియన్స్ ఉండటతో మళ్లీ సినిమా చేసేందుకు అంగీకరించాడని తెలుస్తోంది. ప్రస్తుతం చాలా కధలు సిద్దంగా ఉన్నాయి. కొన్ని సినిమాలు అయితే పూర్తయి విడుదల కోసం వెయిట్ చేస్తున్నాయి. ఇవన్నీ ఇలా పెండింగ్ ఉండగానే వర్మ మరో సినిమా చేస్తున్నాడు. గత చిత్రాలే విడుదల కాని వేళ మంచు వారి మరో చిత్రం మాటేమిటో అని టాలీవుడ్ విమర్శకులు చమత్కరిస్తున్నారు.

కార్తిక్