ఆ అనుభవం వల్లే సినిమా చాన్సులు

Posted: 11/06/2014 03:38 PM IST

మిగతా రంగాల్లో సీనియారిటి పెరిగే కొద్దీ.. జీతాలు, ప్రాముఖ్యతలు పెరుగుతాయి. కాని.., సినిమా ఇండస్ర్టీలో మాత్రం హీరోయిన్ల పరిస్థితి ఇలా ఉండదు. ఓ ఐదారేళ్ళు సంపాదించవచ్చు.. మహా అయితే పదేళ్ళ పాటు స్టార్ హోదాలో గడపొచ్చు. ఆ తర్వాత ముఖానికి రంగు వేసుకుందామంటే అనుకున్న చాన్స్ లు రావు. కానీ నయనతారకు మాత్రం సీనియారిటి పెరిగే కొద్ది సినిమా ఆఫర్లు వచ్చిపడుతున్నాయి. యంగ్ హీరోలు కూడా నయనతో మూవీ చేసేందుకు ఎదురుచూస్తున్నారు.

తమిళ హీరో కార్తి ఈ అమ్మడితో ఓ సినిమా చేస్తున్న విషయం తెలిసిందే. ఈ మద్య వస్తున్న ఊహాగానాల ప్రకారం..., ఈ ప్రాజెక్టు ఆఫర్ ముందుగా శృతి హాసన్ కు వచ్చిందట. డైరెక్టర్ గోకుల్ స్వయంగా వెళ్ళి శృతికి కథ చెప్పగా.., కమల్ కూతురు ఓకే చెప్పేసిందట. మళ్ళీ ఏమయిందో తెలియదు కానీ.., నయన కు కూడా కథ చెప్పాడు. ఈ అమ్మడు కూడా గ్రీన్ సిగ్నల్ ఇచ్చింది. అయితే ఇద్దర్లో సీనియర్ హీరోయిన్ నయనతారనే యువహీరో పక్కన పెట్టి సినిమా తీసేందుకు గోకుల్ ఆసక్తి చూపించాడు.

నయనతో పోలిస్తే శృతి హాసన్ యంగ్. అయినా సరే పాత హీరోయిన్ కే ప్రాధాన్యం ఇస్తున్నారు అంటే అమ్మడికి ఉన్న అదృష్టం ఎలాంటిదో అర్ధం చేసుకోవచ్చు. ప్రస్తుతం తెలుగులో ఆఫర్లు లేకపోయినా.., తమిళంలో మాత్రం బాగానే సినిమా చాన్స్ లు వస్తుండటంతో కోలివుడ్ లో నయన బిజీ అయిపోయింది.

కార్తిక్