సింహంతో సినిమా చేస్తున్న రేసుగుర్రం

Posted: 11/04/2014 04:19 PM IST

టాలీవుడ్ స్టైలిష్ స్టార్ అల్లు అర్జున్ ప్రస్తుతం త్రివిక్రమ్ సినిమా షూటింగ్ లో బిజీగా ఉన్నాడు. వచ్చే ఏడాది సంక్రాంతి తర్వాత విడుదల అయ్యే ఈ మూవీ కోసం బన్నీ తెగ కష్టపడుతున్నాడు. కాగా.., అర్జున్ గురించి తాజాగా ఫిలింనగర్ లో ఓ గాసిప్ విన్పిస్తోంది. అదేమంటే.., ఈ హీరో లెజెండ్ డైరక్టర్ బోయపాటి శ్రీనుతో సినిమా చేస్తాడట. ఈ మద్యే అల్లు అరవింద్, అర్జున్ ను కలిసిన శ్రీను కధ చెప్పగా..., వారికి బాగా నచ్చిందట. అయితే ప్రస్తుతం త్రివిక్రమ్ ప్రాజెక్టు ఉండటంతో దీని తర్వాత చేద్దామని డిసైడ్ అయ్యారు.

రొటీన్ కు భిన్నంగా బోయపాటి తాజా సినిమా ఉంటుందట. అల్లు ఫ్యామిలి సన్నిహితుల సమాచారం ప్రకారం బన్నితో యాక్షన్ ఎంటర్ టైన్ మెంట్ సినిమా చేస్తాడని తెలుస్తోంది. ఈ ఏడాది చివర్లో ప్రాజెక్టుపై ప్రకటన వెలువడే అవకాశం ఉంది. ప్రస్తుతం బన్నీతో పాటు బోయపాటి కూడా బిజీగా ఉన్నాడు. బెల్లంకొండ శ్రీనివాస్ తో సినిమా చేస్తున్న శ్రీను.., దీన్ని పూర్తి చేశాక అల్లు హీరోతొ సినిమా చేస్తాడని టాక్ విన్పిస్తోంది. భారీ యాక్షన్ సినిమాలు చేసే శ్రీను.., స్టైలిష్ స్టార్ ను ఎలా చూపిస్తాడో తెలియాలంటే వచ్చే ఏడాది వరకు ఆగాల్సిందే.

కార్తిక్