‘‘ఆయన’’ ఆఫర్ కోసం వేచిచూస్తున్న శ్వేత!

Posted: 11/01/2014 09:01 PM IST

Shweta basu prasad waiting for movie offers after coming out from rescue home

శ్వేతబసుప్రసాద్... వ్యభిచారం ఊబిలో చిక్కుకోకముందు ఈమె జాతీయ అవార్డు అందుకున్న ఒక గొప్ప నటి. మక్డీ, ఇక్బాల్ వంటి ఆసక్తికరమైన సినిమాల్లో నటించి ఉత్తరాదిన బాలనటిగా మంచి పేరు తెచ్చుకుంది. అందులోనూ ఇక్బాల్ చిత్రంలో ఈమె నటనకు అవార్డులు కూడా అందాయి. దాంతో ఈ అమ్మడు ఒక్కసారిగా లైమ్ లైట్ లోకి వచ్చేసింది. కొన్నాళ్ల తర్వాత అనూహ్యంగా ‘‘కొత్తబంగారులోకం’’ సినిమా ద్వారా టాలీవుడ్ లోకి అడుగుపెట్టి... తొలిమూవీతోనే ఒక ప్రత్యేక గుర్తింపును సాధించింది. దాంతో వరుసగా అవకాశాలు వచ్చాయి కానీ.. అందులో దాదాపు బాక్సీఫీస్ దగ్గర బోల్తాపడినవే! దీంతో ఈ అమ్మడికి అవకాశాలు పూర్తిగా తగ్గిపోయాయి. అలా ఒక్కసారిగా తగ్గిపోవడం వల్ల ఈమె ఎంతటి ప్రలోభానికి గురైందంటే.. వ్యభిచారాన్ని వృత్తిగా మార్చుకోవాల్సి వచ్చింది. ఈ విషయాన్ని స్వయంగా శ్వేతనే పట్టుబడిన తర్వాత చెప్పుకుంది.

ఇదిలావుండగా... శ్వేత వ్యభిచారంలో పట్టుబడిన అనంతరం కొన్నాళ్లపాటు రెస్క్యూహోంలో వున్న సంగతి తెలిసిందే! ఆ సమయంలో ఈమెకు మద్దతుగా చాలామంది ప్రముఖులు తమ గొంతు విప్పారు. వ్యభిచారంలో పట్టుబడ్డవారి పేర్లను బయటపెట్టకుండా శ్వేతను మాత్రమే హైలైట్ చేయడం అన్యాయమని పేర్కొన్నారు. వీరిసంగతి అలావుంచితే.. ఓ బాలీవుడ్ డైరెక్టర్ ఈమెకు మద్దతుగా పలుకుతూ ఆమెకు తన సినిమాలో ఒక మంచి రోల్ ఇస్తానంటూ ఆఫర్ ఇచ్చాడు. అలాగే మన తెలుగు ఇండస్ట్రీలో నిర్మాత కం హీరో అయిన ఒకతను కూడా ఈమెకు సినిమాలో హీరోయిన్ గా ఆఫర్ ఇస్తానంటూ బహిరంగంగా స్టేట్ మెంట్ ఇచ్చేశాడు. దీంతో ఈ అమ్మడి దశ తిరిగిపోయిందని అందరూ భావించారు. బాలీవుడ్ తోపాటు అన్ని చిత్రపరిశ్రమ రంగాలు ఈమెకు ఒక్కొక్క విధంగా మద్దతు పలకడంతో ఈమె మళ్లీ స్టార్ గా ఎదిగిపోవడం ఖాయమని భావించారు.

ఇక అసలు విషయానికొస్తే.. శ్వేతబసు ఈమధ్యనే రెస్క్యూహోం నుంచి విడుదలయ్యింది. అనంతరం ముంబయిలోని తన ఇంటికి చేరుకుని అక్కడే కాలక్షేపం చేస్తోంది. ఇంతవరకు బాగానేవుంది కానీ... గతంలో ఈమె రెస్క్యూహోంలో వున్నప్పుడు తనకు ఆఫర్లు ఇస్తామంటూ మాటిచ్చిన సదరు తెలుగు నిర్మాత - హీరో ఈమెను మళ్లీ కలుసుకుంటాడా..? ఆ బాలీవుడ్ డైరెక్టర్ ఈమెకు తన సినిమాలో ఆఫర్ ఇస్తాడా..? తిరిగి ఆమె మళ్లీ చిత్రపరిశ్రమలో గ్రాండ్ గా ఎంట్రీ ఇస్తుందా..? అనే ప్రశ్నలు మాత్రమే వెలువడుతున్నాయి. ప్రస్తుతం ఆమె కూడా ఇలాగే ఆలోచిస్తోందని వార్తలు వెలువడుతున్నాయి. తనకు గతంలో మాటిచ్చినవారు ఆమెకు ఆఫర్లు ఇస్తారా..? లేదా..? అంటూ దీర్ఘాలోచనలో పడిపోయిందట! ముఖ్యంగా టాలీవుడ్ లో బహిరంగంగా స్టేట్ మెంట్లు ఇచ్చేసిన తెలుగు హీరో-నిర్మాత ఆఫర్ కోసం ఈమె వెచిచూస్తోందని.. అతని దగ్గరనుంచి పిలుపెప్పుడోస్తుందోనని కలలుకంటోందట అమ్మడు!