చిరు-పవన్ మెగా కాంబినేషన్లో మూవీ వేడుక!

Posted: 09/27/2014 08:02 PM IST

(Image source from: chiranjeevi pawan kalyan to attend mukunda movie audio function)

మెగాస్టార్ చిరంజీవి, పవర్ స్టార్ పవన్ కల్యాణ్ ల మధ్య వ్యక్తిగతంగా ఎప్పటినుంచో విభేదాలున్నాయని ఇప్పటికీ వార్తలు వస్తున్న విషయం అందరికీ తెలిసిందే! ఇటీవలే మెగాభిమానుల మధ్య కూడా అనుకోకుండా చీలికలు ఏర్పడ్డాయి. దీంతో ఈ చిరు, పవన్ మధ్య విభేదాలు వచ్చినట్లుగా వస్తున్న వార్తలు నిజమేననే అనుమానాలు వ్యక్తమయ్యాయి. అయితే తాజాగా అందుతున్న వార్తల ప్రకారం... మెగాభిమానుల మధ్య చీలికలు వున్నట్లుగా వస్తున్న గాసిప్స్ కు చెక్ పడేలా వున్నట్లు తెలుస్తున్నాయి. చాలారోజుల తర్వాత చిరు, పవన్ లు అభిమానుల సమక్షంలో బహిరంగంగానే కలుసుకోబోతున్నారనే వార్తలు మెగావర్గాల నుంచి వినిపిస్తున్నాయి. ఈసారి వీరిద్దరి కలయిక ఖాయమంటూ వాళ్లు బల్లగుద్దీ మరి చెబుతున్నట్టు ఇండస్ట్రీ వర్గాలు కూడా పేర్కొంటున్నాయి.

మెగాబ్రదర్ తనయుడు వరుణ్ తేజ్ హీరోగా శ్రీకాంత్ అడ్డాల డైరెక్షన్ లో ‘‘ముకుంద’’ మూవీ తెరకెక్కుతున్న విషయం తెలిసిందే! ఇప్పటికే ఈ మూవీ షూటింగ్ దాదాపు చివరిదశకు చేరుకున్నట్టు యూనిట్ వర్గాలు పేర్కొంటున్నాయి. దీంతో ఈ మూవీ ఆడియో ఫంక్షన్ ను అక్టోబర్ 4వ తేదీన ఖరారు చేసినట్లు తెలుపుతున్నారు. అయితే ఈ ఫంక్షన్ ఇదివరకెన్నడూలేని విధంగా మెగాభిమానుల సమక్షంలో చాలా గ్రాండ్ గా నిర్వహించాలని దర్శకనిర్మాతలు భావించినట్లు తెలుస్తోంది. అందుకే ఈ ఫంక్షన్ కు చిరు, పవన్ కల్యాణ్ ను వాళ్లు ఆహ్వానించినట్లు తెలుపుతున్నారు. దీంతో చాలాకాలం తర్వాత చిరంజీవి, పవన్ అన్నాదమ్ముళ్లు ‘‘ముకుంద’’ ఆడియో ఫంక్షన్ నేపథ్యంలో కలుసుకోబోతున్నారని మెగావర్గాలు అంటున్నాయి. వీరితోపాటు టాలీవుడ్ టాప్ సెలబ్రిటీలు కూడా ఈ ఆడియో ఫంక్షన్ కు విచ్చేయనున్నారని సమాచారం!

mukunda-movie-first-look

గతంలో చిరు, పవన్ లు ‘‘గబ్బర్ సింగ్’’ ఆడియో ఫంక్షన్ సందర్భంగా ఒకే వేదికను పంచుకున్నారు. ఆ సమయంలో అభిమానుల ఆనందానికి అవధుల్లేకుండా పోయాయి. కానీ ‘‘ముకుంద’’ మూవీ షూటింగ్ ప్రారంభ నేపథ్యంలో వీరిద్దరు హాజరైనప్పటికీ.. అక్కడ కలిసి మాట్లాడినట్లుగానీ, చేతులు కలిపినట్లుగానీ, కలిసి ఫోటోలు దిగిన దాఖలాలు అయితే అస్సలు లేవు. ఆ తర్వాత రాజకీయపరంగానూ ఇద్దరూ దూరంగానే వున్నారు. అసలు వీరిద్దరూ వ్యక్తిగతంగానూ లేదా ఇతర సందర్భాల్లోనూ పర్సనల్ గా కలిసిన దాఖలాలు కూడా లేవు. మరి ఇన్నాళ్ల తర్వాత ‘‘ముకుంద’’ ఆడియో వేడుకలో ఇద్దరూ కలుసుకోబోతున్నట్లుగా వస్తున్న వార్తల్లో ఎంతవరకు నిజముందో తెలియదు. ఇంతవరకు ఈ విషయంపై అధికారిక ప్రకటనలూ వెలువడలేదు. ఒకవేళ చిరు, పవన్ లు ‘‘ముకుంద’’ ఆడియో ఫంక్షన్ కు హాజరయితే మాత్రం.. మెగాభిమానుల ఆనందానికి అవధుల్లేకుండా పోతాయి. అలాగే వారిమధ్య విభేదాలున్నట్లుగా వస్తున్న వార్తలకు ఫుల్ స్టాప్ పడిపోతాయి.