తండ్రికోసం గొడవపడుతున్న కాజల్, నిహారిక!

Posted: 09/10/2014 11:16 AM IST

Fight between kajal agarwal and nagababu daughter niharika

ప్రస్తుత టాలీవుడ్ టాప్ హీరోయిన్ కాజల్ అగర్వాల్ తో మెగా బ్రదర్ నాగబాబు కూతురు నిహారిక గొడవ పడుతున్నట్టు టాలీవుడ్ లో వార్తలు జోరుగా సాగుతున్నాయి. నిహారిక ఇంకా సినిమాల్లో ఎంట్రీ ఇచ్చుకోలేదు కానీ.. అప్పుడే ఈ అమ్మడు కాజల్ తో దోబూచులాటకు సిద్ధమైంది. అయితే వీరిమధ్య నడుస్తున్నది సినిమాకు సంబంధించిన గొడవ కాదు... నిహారిక తండ్రి నాగబాబుకు సంబంధించి వీరిమధ్య అగ్గిరాజుకున్నట్టు తెలుస్తోంది. తమ మధ్య జరుగుతున్న ఈ వార్ విషయాన్ని స్వయంగా నిహారికయే చెప్పడం విశేషంగా మారింది. ఇటీవలే ఆలీ తాజాగా ప్రారంభించిన ఒక కార్యక్రమానికి నిహారిక పార్టిసిపేట్ గా హాజరయ్యింది. ఆ నేపథ్యంలోనే ఈ అమ్మడు తనకు, కాజల్ కు మధ్య జరుగుతున్న ఫైట్ గురించి విశదీకరించింది.

అసలు జరిగిన విషయం ఏమిటంటే... గతంలో ఫ్యామిలీ డైరెక్టర్ కృష్ణవంశీ డైరెక్షన్ లో వచ్చిన ‘‘చందమామ’’ సినిమాలో కాజల్ అగర్వాల్ హీరోయిన్ గా నటించిన విషయం తెలిసిందే! అందులో కాజల్ తండ్రిగా నాగబాబు నటించాడు. వీరిమధ్య తండ్రికూతుళ్ల బంధాన్ని డైరెక్టర్ చాలా ప్రేమగా తెరకెక్కించాడు. పైగా వారిద్దరి మధ్య మూవీలో చూపించిన బంధానికి అప్పట్లో మంచి మార్కులు పడ్డాయి. కానీ.. ఈ విషయం మాత్రం నిహారిక తనకు నచ్చలేదని చెబుతోంది. ఈ నేపథ్యంలో తనకెందుకు నచ్చలేదో వివరిస్తూ.. ‘‘చందమామ మూవీ షూటింగ్ లో మా నాన్న (నాగబాబు), కాజల్ ఇద్దరూ తండ్రీకూతుళ్లుగా బాగానే నటించారు. దాంతో ఆ బంధం బ్లడ్ లోకి కూడా ఎక్కిపోయింది. షూటింగ్ అయిపోయిన అనంతరం కూడా కాజల్ మా నాన్నను ‘‘నాన్న’’ అంటూ పలకరించేది. అలా పిలవడం నాకు నచ్చలేదు. అందుకే నేను కాజల్ తో.. ‘మా నాన్నను నాన్న అని పిలవకు.. అంకుల్ అని పిలువు. సినిమా షూటింగ్ తర్వాత నీకు మా నాన్నతో ఏ సంబంధమూ లేదు’’ అని ఖరాఖండీగా చెప్పేసిందట నిహారిక! ఇక అప్పటినుంచి వీరి మధ్య గొడవ మొదలైందని చెప్పుకొచ్చింది.

అయితే.. ఇంతలోనే ఆలీ సరికొత్త టాపిక్ ను తెరలేపాడు. ‘‘అంటే ఆ అమ్మాయి మీ నాన్నను ‘‘నాన్న నాన్న’’ అంటూ పిలుస్తుంటే మీ అమ్మకు మీ నాన్న మీద ఏమైనా అనుమానం వచ్చిందా’’ అంటూ సెటైర్ వేశాడు. అందుకు నిహారికా చాలా సింపుల్ గానే జవాబిచ్చింది. ‘‘లేదండి.. అది సినిమా అని మా అమ్మకు బాగా తెలుసు’’ అని చెప్పింది. అయితే ఆలీ వేసిన సెటైర్ ఇక్కడ కేవలం నాగబాబునే కాదు.. కాజల్ కు కూడా వర్తిస్తుంది. అయినా.. అక్కడ కాజల్ లేదు కాబట్టి దీనిమీద ఏ రాద్ధాంతం జరగలేదులెండి!