ఆమె ఎంపీగాఉంటే నాగ్ సేఫ్ జోన్లో?

Posted: 07/04/2014 06:23 PM IST

Nagarjuna s n convention case n convention

ఆమె ఎంపీగా ఉంటే నటుడు నాగార్జున్ కు తెలంగాణ ముఖ్మమంత్రి కల్వకుంట్ల చంద్రశేఖరరావు సర్కార్ నుండి కష్టాలు వచ్చేవి కావనే మాటలు టాలీవుడ్ లో వినిపిస్తున్నాయి. ఆ మహిళ ఎంపీగా ఉన్నంత కాలం నాగార్జున సేప్ జోన్లో ఉన్నారు. ఆమె ఎంపీగా లేకపోవటంతో.. నాగ్ డేంజర్ జోన్లో ఉన్నట్లు ఫిలింనగర్ వర్గాలు అంటున్నాయి.

తెలంగాణ సర్కార్ తీసుకున్న నిర్ణయంతో నగరంలో అక్రమా కట్టడల గోడలు కూలుతున్నాయి. ఇప్పుడు నాగార్జన వంతు రావటంటో ఆయన ఆఘమేఘాల మీద కోర్టు మొట్లు ఎక్కి న్యాయం కోసం చేతులు చాచాడు.

గ్రేటర్ హైదరాబాద్ అధికారులు వాదిస్తుంటే.. సక్రమంగానే ఎన్ కన్వెన్షన్ నిర్మించామని అంటుంది అక్కినేని కుటుంబం. నాగార్జున కోర్టు మెట్లెక్కడం ద్వారా కాసేపు దీనికి ఇంటర్వెల్ పడినా కోర్టు తీర్పు నాగార్జునకు ఊరటనివ్వలేక పోయింది. ముందస్తు నోటీసు ఇవ్వకుండా అక్రమ కట్టడాలను కూల్చొద్దంటూ అధికారులను ఆదేశించింది తప్పిస్తే పెద్దగా ఏమీ ఉపయోగం లేదు.

అక్రమంగా అక్కడ స్టూడియో నిర్మాణం జరిగిందని ఆ భూములును తిరిగి తీసుకోవాలంటూ తెలంగాణా సంఘాలు పెద్దఎత్తున అప్పట్లో డిమాండ్ చేశాయి. ఐతే నాగార్జునా చాలా చాకచక్యంగా బయటపడ్డారని అంటారు. ఆ సందర్భంలో నాగార్జునతో కలిసి నటించిన ఓ హీరోయిన్ ఎంపిగా ఉండటంతో ఆమె ఆ విషయాన్ని డీల్ చేశారట. అయితే ఆ సదరు ఎంపి పార్టీని వీడటం, తాజాగా జరిగిన ఎన్నికల్లో ఓటమి చెందడంతో ఇష్యూని డీల్ చేసేవారు లేకపోవడం కూడా నాగార్జునకు పెద్ద మైనస్ పాయింట్ అయిందని అంటున్నాయి కొన్ని వర్గాలు. మరి ఎన్ కన్వెన్షన్ వ్యవహారం ఎక్కడ దాకా వెళుతుందో చూడాలి.