టాలీవుడ్ తెర పై టెన్నిస్ బంతుల పాప

Posted: 05/20/2014 03:48 PM IST

భారత టెన్నిస్ స్టార్ సానియా మీర్జా సినిమా ఇండస్ట్రీలోకి ఎంట్రీ ఇస్తుందనే వార్తలు ప్రచారంలో ఉన్న విషయం తెలిసందే. గత కొంత కాలంగా టెన్నిస్ టోర్నీల్లో అంతంత మాత్రంగానే రాణిస్తున్న ఈ అమ్మడుకు ఎప్పటి నుండో సినిమాల్లోకి రావాలని ఉన్నా, ఆమెకు నచ్చిన అవకాశం రాకపోవడంతో వాయిదా వేస్తూ వచ్చిన ఈ అమ్మడు ఓ తెలుగు కుర్ర హీరో సరసన ఎంట్రీ ఇవ్వబోతుందట.

తనకు సినిమా ఇండస్ట్రీ పై ఉన్న మోజుతో ఇప్పటికే ర్యాంపుల పై క్యాట్ వాక్ లు, ఫ్యాషన్ షోల్లో పాల్గొంటున్న ఈమె సిల్వర్ స్ర్కీన్ పై బ్రేక్ డ్యాన్సులు వేసి షేక్ చేయబోతుందన్న మాట. ఇప్పటికే ఆమెను చాలామంది హీరోలు దర్శక, నిర్మాతలు తమ సినిమాల్లో చేయమని ఓపెన్ ఆఫర్ ఇచ్చినా,  సానియా మాత్రం ప్రస్తుతం తన చూపంతా టెన్నిస్ ఆటపైనే ఉందని చెబుతూ వచ్చింది.

ఆ తర్వాత పెళ్ళి చేసుకొని దుబాయ్ కి చెక్కేసిన ఈమె గత కొంత కాలంగా షోయబ్ కి దూరంగా ఇండియాలోనే ఉంటుంది. అటు పూర్తిగా మొగుడ్ని దూరం కాకుండా, ఇటు ఆట పై ద్రుష్టి పెట్టకుండా సినిమాల పై మోజు పెంచుకున్న ఈమె హీరోయిన్ గా ఏ మేరకు రాణిస్తుందో చూడాలి.

ఇప్పటికే బ్యాట్మింటన్ స్టార్ గుత్తా జ్వాలా నితిన్ సినిమా ద్వారా ఐటెం గాళ్ గా ఎంట్రీ ఇచ్చి, హీరోయిన్ గా వెలిగిపోదామని అనుకుంది. కానీ వెండితెర పై అడ్రస్ లేకుండా పోయింది. గుత్తాకు వచ్చిన పరిస్థితే సానియాకు రాదు కదా అని ఆమె అభిమానులు అనుకుంటున్నారు.

Knr