బూతును రాగంగా పాడేస్తున్న మన హీరోలు?

Posted: 03/11/2014 02:54 PM IST

లయ తప్పి  రాగం పాడితే.. ఆ  రాగం , ఆ పాట ఎవరికి అర్థం కాదు.  కానీ  ఇప్పుడు టాలీవుడ్ ట్రెడ్ అలా కాదు.  బూతును కూడా రాగం పాడగలిగే సత్తా మన హీరోలు  సాధించారు.  గతంలో  అమ్మాయి  పై పాట రాయలంటే.. రచయితే సమరస్యంగా అంగాంగ వర్ణన చేయడం  జరిగిందే. కానీ ఇప్పుడు అమ్మాయి, అబ్బాయిలకు అన్నీ సమర్పించాలి లేకపోతే అమ్మాయి ఎలా నడుచుకోవాలో  మన హీరోలు పాట రూపంలో వినిపిస్తున్నారు.  

ఇందుకు ఉదాహరణ  ఇటీవల దర్శకుడు పూరి జగన్నాథ్  తీసిన ‘‘హార్ట్ ఎటాక్ ’’సినిమాలో హీరో నితీన్ ‘‘చూపించండేయ్ ’’ అనే పాట పాడిన విషయం  తెలిసిందే.  మన తెలుగు  వారికి  మసాల పాటలు కొత్తమే కాదు.    ఈ సినిమాలో  ఇలాంటి  మాసాల  పాటను అందించిన  రచయిత  భాస్కరభట్ల, ఈయన గతంలో చాలా మంచి పాటలు  రాసారు. కానీ ఈ సారి మాత్రం  ఒక ప్రాస, చంధస్సు, పద్దతీ పాడు అన్నవి పెద్దగా పట్టించుకోలేదు.  

దీని కారణం నేటి యువత ఇలాంటి పాటలనే కోరుకుంటుంది కాబట్టి  రచయిత భాస్కరభట్ల  అలా రాసి ఉంటాడు.  ఇప్పుడు ప్రతి సినిమాలో  ఒక ఐటమ్  సాంగ్  ఉండాలి. అదే సినిమాకు ప్లస్ పాయింట్.  అందుకే  రచయితల కలం నుండి ఇలాంటి ద్వంద్వార్థ  పదాలు కలిగిన పాటలు  బయటకు వస్తున్నాయి.   

అసలు ద్వంద్వార్థ  పదాల  ఒరవడిని స్వర్గస్థులు వేటూరిగారు మనముందుకు తీసుకొచ్చారని చెప్పాలి. అప్పట్లో అడివి రాముడు సినిమాలో 'ఆరేసుకోబోయి పారేసుకున్నాను' పాట ప్రేక్షకుల మతిని పోగొట్టింది. కోటి రూపాయల పాటగా చరిత్రలో లిఖించబడింది. 

సో ఇకనైన ఇలాంటి పాటలు మనకు కొత్త కాకపోయినా వాటి హద్దులు మీరకుండా రాస్కుంటే మన  తెలుగు వారికి,  తెలుగు జాతికి , మన తెలుగు సినిమాకు చాలా మంచిదని  టాలీవుడ్ లోని వయసు ముదిరిన సంగీత దర్శకులు అంటున్నారు.   ఇకనైన యువ రచయితలు  ఇలాంటి ప్రాస, చందస్సు లేని పాటలు  రాసి, నేటి యువత భవిష్యత్తుని   నాశనం చేయకండని  సంగీత అభిమానలు కోరుచున్నారు. 

-ఆర్ఎస్