కుర్రకారులను కుర్చీలలో కూర్చోనివ్వని ప్రియాంకా

Posted: 02/14/2014 03:06 PM IST

క్యాబరే డ్యాన్స్ లు ఇప్పుడు ఎక్కడా లేవు.  అయితే, విన్నాను కానీ చూడలేదే అని ఎప్పుడైనా వాటిని పోగొట్టుకున్నానే అనే బాధ కలిగేవాళ్ళకి ఈ రోజు వాలెంటైన్స్ డే సందర్భంగా విడుదలవుతున్న గుండే చిత్రంలో ప్రియాంకా ఛోప్రా వేసిన క్యాబరే స్టెప్స్ స్వాంతన కలిగిస్తాయి. 

సినిమాలో హీరోలు అర్జున్ కపూర్, రణవీర్ సింగ్ లను ఇద్దరినీ ఆకట్టుకునే ప్రయత్నంలో ప్రియాంకా ఛోప్రా ప్రేక్షకుల గుండెల్లో గిలిగింతలు పెట్టే కదలికలను చూపిస్తుంది.   గుండాలైనా గుండెకలవాళ్ళేనని ప్రియాంకా డ్యాన్స్ లతో నిరూపిస్తారు సినిమా హీరోలిద్దరూ. 

అసలు ప్రియాంకా పరదామీదకు వస్తూనే మతిపోగొట్టే తన క్యాబరే డ్యాన్స్ లతో కుర్రకారులను కుర్చీలలో కూర్చోనివ్వదని సినిమా టాక్.

1970 లో కథను తెరకెక్కించి ఆ సమయంలో కోలకతాలో ప్రసిద్ధిగాంచిన క్యాబరే డ్యాన్స్ లను ఈ కాలంలో కుర్రకారులకోసం తీసుకుని వచ్చిన సినీ నిర్మాతలకు సంపూర్ణ సహకారంతో పూర్తిగా పాత్రలోకి పరకాయ ప్రవేశం చేసి మెప్పించింది ప్రియాంకా.

-శ్రీజ