సమంతకు సపోర్టు - మహేష్ కి కౌంటర్

Posted: 12/27/2013 09:29 AM IST

ప్రిన్స్ మహేష్ బాబు నటించిన ‘1’ - నేనొక్కడినే సినిమా ప్రచార చిత్రంలో అమ్మాయిలను కించపరుస్తూ ఉన్న ఫోటో పై సమంతా చేసిన కామెంట్స్ సినిమా ఇండస్ట్రీలో ఎంత పెద్ద దుమారాన్ని రేపాయో అందరికి తెలిసిందే. ఈ విషయంలో మహేష్ బాబు ఫ్యాన్స్ సమంతా పై మాటల యుద్దం కూడా చేశారు. తాజాగా సమంతాకు ప్రముఖ దర్శకుడు శేఖర్ కమ్ముల అండగా నిలిచి మహేష్ ఫ్యాన్స్ పై ఆగ్రహం వ్యక్తం చేశాడు.

సాటి ఆడదానికిగా సమంతా తన అభిప్రాయం చెప్పడంలో తప్పులేదు. ఇలాంటి వాటి విషయంలో తొందరపడకుండా అందరు ఆలోచించాలని, ఇందులో ఎవర్ని తప్పుబట్టడానికి లేదని, ఇటు మహేష్ బాబును కానీ, చిత్ర దర్శకుడిని కానీ ఏమి అనలేమని, కోట్లు ఖర్చు పెట్టి సినిమా తీసినప్పుడు ప్రచారం కోసం వివిధ మార్గాల్లో ఇదొక్కటని, అదే సమయంలో ఎవర్ని కించపరచ కుండా ఉండాలని, అమ్మాయిలను కించపరుస్తూ ఇలా చేయడం కరెక్టు కాదని, ఎవరికి ఇవ్వాల్సిన గౌరవం వారికి ఇవ్వాలని అభిప్రాయ పడ్డాడు.

అయితే స్టార్ హీరోగా ఉన్న మహేష్ ఇలాంటి వివాదం చెలరేగినప్పుడు స్పందిస్తే ఇంత దూరం వచ్చేది కాదని ఆయన అభిప్రాయ పడ్డాడు. కమ్ముల అభిప్రాయాన్ని ఇండస్ట్రీలోని కొందరు సమర్థిస్తున్న వారు ఉన్నారు. మరి సమంతా స్పందన తెలుగు ఇండస్ట్రీలో ఏమైనా మార్పులు తీసుకొస్తాయో లేదో చూడాలంటున్నారు.