దేనికైనా రెడీ కదా పద్మశ్రీ వెనక్కిచ్చేయండి మరి

Posted: 12/23/2013 06:05 PM IST

సినీ నటులు మోహన్ బాబు, బ్రహ్మానందాలను ప్రభుత్వం గౌరవంగా బహూకరించిన పద్మశ్రీ అవార్డ్ లను వెనక్కి తిరిగి ఇచ్చెయ్యవలసిందిగా హైకోర్టు ఆదేశాలు జారీ చేసింది.

 

పద్మశ్రీలు పాటించవలసిన మార్గదర్శకాలను ఉల్లంఘించినందువలన వారం రోజుల్లో పద్మశ్రీలను తిరిగి ఇచ్చెయ్యవలసిందని చెప్పటానికి కారణం దైనికైనా రెడీ సినిమా మీద జరుగుతున్న వివాదంలో వేసిన వ్యాజ్యం. దాని దృష్ట్యా హైకోర్టు పై ఆదేశాలను జారీ చేసింది.

 

దేనికైనా రెడీ చిత్రంలో ఒక వర్గాన్ని కించపరుస్తూ చేసిన వ్యాఖ్యానాల మీద పిటిషన్ దాఖలైంది. చిత్ర ప్రదర్శనను నిలిపివేయమని కోరారు కానీ ఆ ప్రయత్నం ఫలించలేదు. ఈ రోజు హైకోర్టు ముందుకి వచ్చిన ఆ వ్యాజ్యం మీద ఆ సినిమాలో జరిగిన విమర్శనాత్మక మైన సంభాషణలు, సన్నివేశాలు పద్మశ్రీ స్థాయిలోని వారు చెయ్యదగ్గవి కావని హైకోర్టు భావించింది.

 

-శ్రీజ