అమ్మడు దున్నేస్తుందట కదా...!!

Posted: 12/30/2014 10:06 AM IST

టాలీవుడ్ ఇండస్ర్టీ అంతా ఇప్పుడీ అమ్మడి కోసమే ఎదురుచూస్తోంది. సినిమాలు మొదలు పెట్టాలంటే డేట్లు ఎప్పుడు ఇస్తుందా అని డైరెక్టర్లు, నిర్మాతలు వెయిట్ చేస్తున్నారు. రకుల్ ఉంటే చాలు కూల్ గా సినిమా తీసి ప్రేక్షకులకు హీటెక్కించవచ్చు అంటున్నారు. ప్రస్తుతం ఇండస్ర్టీలో ఎందరు హీరోయిన్లు ఉన్నా, సినిమా వర్గాలు మాత్రం రకుల్ కు ఫస్ట్ ప్రియారిటీ ఇస్తున్నాయి. ‘లౌక్యం’తో అమ్మడు ఎక్కిన ‘వెంకటాద్రి ఎక్స్ ప్రెస్’ మంచి రూట్లోనే వెళ్తున్నట్లు కన్సిస్తోంది. కాలం కలిసి వస్తే.. ఇండస్ర్టీ టాప్ హీరోయిన్ గా మారి సినిమాలను దున్నేసే ఛాన్స్ కూడా ఉందని సినీ పండితులు చెప్తున్నారు. అదెలాగూ ఓ సారి చూద్దాం.

‘కెరటం’ సినిమాలో నటించినా.., అది క్లిక్ కాలేదు. కానీ ‘వెంకటాద్రి ఎక్స్ ప్రెస్’ సినిమా అనుకోని హిట్ అయింది. వెంటనే వచ్చిన ‘లౌక్యం’ సూపర్ క్లిక్ అయింది. దీంతో లైఫ్ టర్న్ అయిపోయింది..., అమ్మాయికి మంచి భవిష్యత్తు ఉంది అని విశ్లేషకులు చెప్పిన మాటలు ఇఫ్పుడు నిజమవుతున్నాయి. ‘లౌక్యం’ తర్వాత ‘కరెంట్ తీగ’, ‘రఫ్’ లో నటించింది. ప్రస్తుతం రవితేజ హీరోగా వస్తున్న ‘కిక్2’, రామ్ హీరోగా తెరకెక్కుతున్న ‘పండగ చేస్కో’ సినిమాలోనూ హీరోయిన్ గా నటిస్తోంది. ఇది కాకుండా సురేందర్ రెడ్డి దర్శకత్వం వహిస్తున్న ఓ ప్రాజెక్టులోనూ లీడ్ రోల్ చేస్తోంది.

అటు బాలీవుడ్ కూడా రకుల్ కు రెడ్ కార్పెట్ పరుస్తోంది. దివ్య కోస్ల కుమార్ డైరెక్షన్ లో వచ్చిన ‘యారియన్’ లో నటించిన ఈ ఢిల్లీ భామ.., ఇప్పుడు ‘శిమ్లా మిర్చి’లో నటిస్తోంది. ప్రముఖ డైరెక్టర్ రమేష్ సిప్పి ఈ మూవీని తెరకెక్కిస్తుండటంతో సినిమాపై అంచనాలు బాగానే ఉన్నాయి. ఇలా టాలీవుడ్, బాలీవుడ్ లో సినిమాలు చేస్తూ రెండు ఇండస్ర్టీల్లో దుమ్ములేపుతోంది. అయితే ఇక్కడే మరో డౌట్ కూడా వస్తోంది. బాలీవుడ్ మూవీ క్లిక్ అయితే ఈ భామ బి టౌన్ కు వెళ్తుందా లేక.., టాలీవుడ్ లో సెటిల్ అవుతుందా చూడాలి.

కార్తిక్