పవన్ కు టైం లేదు.., ఫ్యాన్స్ కు ఆ భాగ్యం లేదు

Posted: 12/28/2014 11:52 AM IST

పవర్ స్టార్ పవన్ కళ్యాణ్ ఫ్యాన్స్ ఎదురు చూస్తున్న ‘గోపాల గోపాల’ సినిమా సంక్రాంతి కోసం సిద్దమవుతోంది. ఎన్ని ఇబ్బందులు వచ్చినా పండగకు థియేటర్లలో  సినిమా ఉంటుందని మూవీ యూనిట్ చెప్తోంది. మిగిలి ఉన్న షూటింగ్ ను త్వరగా పూర్తి చేసుకుని పోస్ట్ ప్రొడక్షన్ పనులు కూడా ముగించుకుని వచ్చేందుకు చాలా కష్టపడుతున్నారు. సినిమా విడుదలయ్యే లోపు ఫ్యాన్స్ ఆారాటం తీర్చేందుకు ప్రయత్నాలు చేయటం లేదని తెలుస్తోంది. గత  నెలలో ఫస్ట్ లుక్ మోషన్ పోస్టర్ విడుదల చేశారు. ఆ తర్వాత ఫోటోలు వచ్చాయి. ఇవన్నీ బాగా ఆకట్టుకోవటంతో సినిమాపై అంచనాలు పెంచుకున్న ఫ్యాన్స్ మూవి విడుదలకు ముందుండే ఆడియో రిలీజ్  కోసం ఎదురుచూస్తున్నారు.

పవన్ ఫ్యాన్స్ ఇంతగా ఎదురుచూస్తున్న ఆడియో రిలీజ్ అదృష్టం వారికి ఉండదని గుసగుసలు విన్పిస్తున్నాయి. ఫంక్షన్ పెట్టి పాటలు విడుదల చేయకుండా..., నేరుగా మార్కెట్ లోకి విడుదల చేయాలని మూవీ యూనిట్ భావిస్తోందట. ఇందుకు కారణం.., సమయం లేకపోవటమే అని అంటున్నారు. ప్రస్తుతం చేతిలో ఉన్న పదిహేను రోజుల సమయంలో సినిమా షూటింగ్ పూర్తవ్వాలి, పోస్ట్ ప్రొడక్షన్ పనులు జరగాలి. ఇవన్నీ పూర్తయ్యాక సెన్సార్ కు వెళ్లాలి. కాబట్టి ఆడియో రిలీజ్ చేసే సమయం ఉండదని భావించి డైరెక్ట్ ఎయిర్ చేసేందుకు సిద్ధమవుతున్నారట.

ఫిలింనగర్ నుంచి వస్తున్న ఈ ఊహాగానాలు ఫ్యాన్స్ ను నిరాశలోకి నెడుతున్నాయి. ఆడియో రిలీజ్ ఉంటుందని.., పవర్ స్టార్ ను డైరెక్ట్ గా చూడొచ్చని ఆశపడ్డ అభిమానులు తమకు ఆ భాగ్యం లేదని బాధపడుతున్నారు. మోషన్ పోస్టర్ బ్యాగ్రౌండ్ మ్యూజిక్ కు మంచి స్పందన రావటంతో పాటలన్నీ బాగుంటాయని టాక్ విన్పిస్తోంది. కథకు అధిక ప్రాధాన్యం ఉన్నందున ‘గోపాల గోపాల’లో కేవలం మూడు పాటలే ఉన్నాయట. అనూప్ రూబెన్స్ అందించిన పాటలు హైలైట్ అవుతాయని టాక్ వస్తోంది. ఈ మద్య అనూప్ సంగీతం అందించిన ఇతర సినిమాల పాటలు బాగా పాపులర్ కావటమే ఇందుకు కారణం. ఆడియో రిలీజ్ ఎలాగూ లేదని దాదాపు కన్ఫర్మ్ అయినట్లే.., కనీసం సినిమా అయినా ఏ ఇబ్బందులు లేకుండా పండగకు సందడి చేయాలని ఆశిద్దాం.

కార్తిక్