త్రిష కోరిక పవన్ తీర్చుతాడా ?

Posted: 07/27/2013 02:57 PM IST

అందాల సుందరి, చెన్నై చిన్నది అయిన త్రిష ఒకప్పుడు టాలీవుడ్ తెర పై తన హవాని కొనసాగించిన విషయం తెలిసిందే. గత కొంత కాలం నుండి ఈమెకు సినిమా అవకాశాలు సన్నగిల్లాయి. ప్రస్తుతం తమిళంలో అడపాదడపా సినిమాలు చేస్తూ కాలం వెల్లదీస్తున్న త్రిష టాలీవుడ్ హీరో రాణాతో ప్రేమాయణం నడుపుతుందని, త్వరలో వీరిద్దరు పెళ్లి కూడా చేసుకోబోతున్నారని వార్తలు వచ్చిన విషయం తెలిసిందే. ఆ తరువాత ఈ వార్తలను ఇరువురూ ఖండించారు కూడా. అయితే తాజాగా త్రిష హైదరాబాద్ కి వచ్చింది. ఎందుకని ఆరాతీస్తే...చాలా గ్యాప్ రావడంతో ఒక్కసారి అతన్ని చూడాలనిపించి హైదారాబాద్ కి వచ్చిందని తెలిసింది. వచ్చి రావడంతో వీరిద్దరు మంచి హలీమ్ కూడా ఆరగించి చాలా సరదాగా ఎంజాయ్ చేశారట. ఈ ఎంజాయ్ తో పాటు కెరియర్ కూడా గాడిలో పెట్టుకోవాలనుకున్న త్రిష టాలీవుడ్ లో తన పాత పరిచయాలను ఒక్కసారి తిరిగేసి ప్రస్తుతం మంచి ఫాంలో ఉన్న పవన్ కళ్యాణ్ కి ఫోన్ చేసి ఒక్క ఛాన్స్ ఇవ్వమని వెంటపడిందట. అసలే ఇంట్లో వాళ్ళు పెళ్ళి సంబంధాలు చూస్తుంటే ఎవడో ఒకడు దొరికే లోపు ఓ మాంచి హిట్ సినిమాలో నటించాలని భావించి పవన్ కి ఫోన్ చేసిందట. మరి ఎంతో మందికి లైఫ్ ఇచ్చిన వాడిగా పేరున్న పవన్ త్రిషకు కూడా ఆఫర్ ఇచ్చి పెళ్ళికి ముందు ఆఫర్ ఇచ్చి ఆకోరిక తీర్చుతాడో లేదో చూడాలి.