Posted: 01/18/2013 07:29 PM IST

కన్నడ నటుడు దునియా విజయ్ తన భార్యతో విడాకులు కావాలని కోర్టుకు ఎక్కిన విషయం తెలిసిందే. తన భార్య పెట్టే బాధ భరించలేక పోతున్నానని, తమతో విడాకులు కావాలని కోర్టుకు ఎక్కాడు. అయితే దునియా విజయ్ కి వేరే నటితో అక్రమ సంబంధం ఉందని, అందుకే తమకు విడాకులు ఇస్తున్నాడని అతని భార్య ఆరోపించింది. ప్రాణం పోయినా విడాకులకు అంగీకరించేది లేదని ఆమె స్పష్టం చేశారు. సంసారంలో చిన్నచిన్న కలతలు సహజమేనన్నారు. వాటిని పరిష్కరించుకుంటానని చెప్పారు. సంసారం సుఖంగా కొనసాగుతున్న సమయంలో మూడేళ్ల క్రితం నటి శుభపూంజాను వర్ధమాన నటిని వివాహం చేసుకున్నారని దానికి కూడా అడ్డుచెప్పలేదని అన్నారు. కత్రిగుప్పలో నిర్మించిన ఇంటి గృహ ప్రవేశం సమయంలో కూడా తనతో పాటు ఆ శుభపూంజా కూడా పూజలు, హోమాల్లో పాల్గొన్నట్లు తెలిపారు. ఇందుకు సంబంధించిన ఛాయాచిత్రాలు కూడా తన వద్ద ఉన్నాయన్నారు. ఈ విషయం పై స్పందించిన సదరు నటి... శుభపూంజా విజయ్‌, నాగరత్న కుటుంబ కలహాల్లో తన పేరును ప్రస్తావించడం బాగోలేదని, రెండేళ్ల నుంచి తాను విజయ్‌తో కనీసం మాట్లాడలేదని స్పష్టం చేశారు. అతనితో నాకు ఎటువంటి అక్రమ సంబంధం లేదని, పెళ్లి కావాల్సిన తనను ఈ వివాదంలో చేర్చడం బాధను కల్గిస్తోందని పేర్కొన్నారు. అయితే కన్నడ సినీ జనాలు మాత్రం శుభ పూంజాతో అక్రమ సంబంధం పెట్టుకొనే విడాకుల కోసం కోర్టుకు వెళ్లాడని అంటున్నారు.