Posted: 01/18/2013 07:10 PM IST

సినిమా ఇండస్ట్రీకి ఎన్నో కలలు కంటూ రంగుల ప్రపంచంలో విహరిద్దామని వచ్చే యువతులను, మహిళలను సినిమా దర్శక నిర్మాతలు అవకాశాలు ఇస్తామని మభ్యపెట్టి తమ కోరికలను తీర్చుకుంటారన్నది జగమెరిగిన సత్యం.  గతంలో ఇలాంటి సంఘటనలు ఎన్నో భయటపడ్డాయి... పడుతున్నాయి. తాజాగా ఇలాంటి సంఘటనే ఒకటి వెలుగు చూసింది. సినిమా అవకాశాలు ఇస్తానని చెప్పి యువతి పై అత్యాచారానికి పాల్పడ్డ నిర్మాతను పోలీసులు అరెస్టు చేశారు. అసలు విషయం ఏంటంటే... రమేష్ సింగ్ అనే మరాఠీ సినిమా ప్రొడ్యూసర్ 33 సంవత్సరాల ఓ యువతికి తన తర్వాతి సినిమాలో ఛాన్స్ ఇస్తానని మాటిచ్చాడు. పూణెకు చెందిన సదరు మహిళ నార్త్ ముంబైలోని గురెగాన్ ప్రాంతంలో ఒంటరిగా నివసిస్తోంది. ఇటీవల ప్రొడ్యూసర్ రమేష్ సింగ్ ఆమెకు ఫోన్ చేసి కలిసి లంచ్ చేద్దాని, అదే విధంగా సినిమా అగ్రిమెంటుకు సంబంధించిన అమౌంట్ సెటిల్ చేస్తానని ఆమెను పిలిపించాడు. ఆమె తన వద్దకు వచ్చాక ఫైనాన్సియర్ దహిసర్ ప్రాంతంలోని గెస్ట్ హౌస్‌లో ఉన్నాడని నమ్మించి అక్కడికి తీసుకెళ్లి అత్యాచారానికి పాల్పడ్డాడు. అక్కడి నుండి ఎలాగొలాగ బయట పడ్డ సదరు యువతి పోలీసులకు ఫిర్యాదు చేయడంతో నిర్మాతను అరెస్టు చేశారు ముంబై పోలీసులు.