Posted: 01/04/2013 05:31 PM IST

టాలీవుడ్ దర్శకేంద్రుడు రాఘవేంద్రరావు చేతినుండి ‘ఝమ్మంది నాదం ’ సినిమా ద్వారా తెలుగు తెరకు ఎంట్రీ ఇచ్చిన తెల్ల తాప్సీ తెలుగు ప్రేక్షకుల హ్రుదయాలను తన మొదటి సినిమాతోనే ఝమ్మనిపించింది. రాఘవేంద్రరావు చేతి నుండి వచ్చింది కాబట్టి ఈమె కెరియర్ జిల్ జిల్ జిగా అనుకున్నారు. కానీ తెల్లపిల్ల కెరియర్ గూడ్సుబండిలా ముందుకు సాగుతుంది. ఇంత వరకు ఈమెకు సరైన హిట్టు ఒక్కటి అంటే ఒక్కటి రాలేదు. అయినా తన అందంతో అడపాదడపా అవకాశాలు రాబట్టుకుంటుంది. ఇలా సాగిపోతున్న ఆమె పై టాలీవుడ్ ఇండస్ట్రీ ఓ స్టాంప్ గుద్దేసింది. తెల్లపిల్ల తాప్సీ లెగ్ ఐరెన్ లెగ్‌గా మారిందని అందువల్ల ఆమె నటించిన సినిమాలు విడుదలవడం లేదని చెపుతున్నారు. విక్టరీ వెంకటేష్ హీరోగా తెరకెక్కుతున్న షాడో చిత్రంలో తాప్సీ హీరోయిన్. ఐతే ఈ చిత్రం సంవత్సర కాలంలో గూడ్సు బండిలా షూటింగ్ జరుపుకుంటోంది. ఓ పట్టాన పూర్తి కావడంలేదు. మరోవైపు మంచు లక్ష్మీప్రసన్న నిర్మిస్తున్న మరో చిత్రం గుండెల్లో గోదారి. ఈ చిత్రంలో కూడా తాప్సీ హీరోయిన్‌గా నటిస్తోంది. చిత్రం సెన్సార్ పూర్తయినప్పటికీ విడుదల కావడంలో జాప్యం నెలకొన్నది. దీంతో తాప్సీ లెగ్ ఐరెన్ లెగ్గయిపోయిందంటూ టాలీవుడ్ సినీజనం చెప్పుకుంటున్నారు. సో... తాప్సీ పై కూడా ఐరెన్ లెగ్ స్టాంప్ గుద్దేశారన్న మాట.