Posted: 12/22/2012 04:37 PM IST

మెగా పవర్ స్టార్ రామ్ చరణ్ తేజ్ నటిస్తున్న రెండు సినిమాలకు సంబంధించిన వీడియో పాటలకు విడుదలకు ముందే నెట్ లో సంచరిస్తూ హల్ చల్ చేస్తున్నాయి. ఈ మధ్యనే ఆడియో వేడుక జరుపుకున్న ‘నాయక్ ’ సినిమాలోని పూర్తి నివిడి గల పాట ఒకటి బయటకి వచ్చి అందరిని ఆశ్చర్యానికి గురిచేసిందే. తాజాగా ఇతడు నటిస్తున్న మరో సినిమా ‘ఎవడు ’లోని ఐటెం సాంగు కూడా బయటికి వచ్చింది. ఈ వీడియో ఐటం సాంగ్ లో రామ్ చరణ్ సరసన శ్వేత భరద్వాజ్ స్టెప్పులేసింది. దీనిసి సంబంధించిన షూటింగు అవ్వడమే ఆలస్యం అప్పుడే నెట్ లో హల్ చల్ చేయడంతో చిత్రయూనిట్ చాలా అప్ సెట్ అయింది. అసలు సాంగ్ ఎలా లీక్ అయిందో తెలియక సతమతమవుతున్నారు. ఈ విషయంపై ఆరా తీస్తున్నారు. అయితే దీని పై భిన్నాభిప్రాయాలు వ్యక్తం అవుతున్నాయి. కొందరు కావాలనే పబ్లిసిటీ కోసం లీక్ చేస్తుంటారని అంటుంటే... మరి కొందరు సినిమాని దెబ్బ తీయటం కోసం టెక్నీషియన్స్ ను ప్రలోభాలకు గురి చేసి లీక్ చేయిస్తుంటారని అంటున్నారు. ఏది ఏమైనా విడుదలకు ముందు ఇలా పాటలు లీక్ అవ్వడం చూస్తుంటే ఇది ఎవరో కావాలని చేస్తున్నట్లు అనిపిస్తుంది. కోట్లు ఖర్చుపెట్టి సినిమా తీస్తే ఇలా జరగడం బాధాకరం అంటున్నారు నిర్మాతలు.