Posted: 12/20/2012 03:38 PM IST

ఉదయభాను... ఈ పేరు చెప్పగానే బుల్లి తెర ప్రేక్షకుల గుండెల్లో బాణాలు గుచ్చుకుంటాయి. ఆమె యాంకరింగ్, స్టేజ్ పై ఎక్స్ ప్రెషన్స్, ఫెర్ఫామెన్స్ కి ఎవరైనా ఫిదాకావాల్సిందే. అప్పుడెప్పుడో ఇండస్ట్రీకి హీరోయిన్ అయిపోదామని వచ్చి, హీరోయిన్ గా ఎదగలేక నలిగిపొయింది. చివరకు బుల్లితెర పై రాణించి నెంబర్ వన్ గా పేరు తెచ్చుకుంది. అయితే హీరోయిన్ అవుదామని వచ్చిన ఉదయభాను కోరిక చంపుకోలేక మళ్ళీ ప్రయత్నాలు మొదలు పెట్టింది. అందుకే, అప్పుడప్పుడు ఐటెం పాటలు చేస్తోంది. ఇక ఇప్పుడు ఏకంగా కథానాయిక పాత్రల కోసం ట్రై చేస్తోంది. ఈ క్రమంలో తాజాగా 'మధుమతి ' అనే సినిమాలో కథానాయికగా బుక్కయినట్లు సమాచారం. రాజ్ శ్రీధర్ దర్శకత్వం వహిస్తున్న ఈ సినిమాలో నటించబోతున్న ఈమె చాలా కథలు విన్నాను, ఇప్పుడు ఈ మధుమతి బాగా నచ్చింది. నాకు బాగా హెల్ప్ అవుతుందనుకుంటున్నాను  అంటోంది. ప్రస్తుతం ఉన్న హీరోయిన్ల పోటీ నుండి తట్టుకొని హీరోయిన్ రాణిస్తుందో లేదో చూడాలి అంటున్నారు టాలీవుడ్ జనాలు.