Posted: 12/07/2012 05:42 PM IST

టాలీవుడ్ లో ఏ సినిమా బ్యాక్ గ్రౌండ్ లేకుండా, ఎంతో కష్టపడి క్రమశిక్షణతో పైకి వచ్చిన నటులలో చిరంజీవి ఒక్కడు.   ఎంతో కష్టపడి మెగాస్టార్ గా పేరొందిన చిరంజీవి, ఇప్పుడు సినిమాలకు స్వస్తి పలికి రాజకీయ జీవితం గడుపుతున్నాడు. ఇతడు సినిమాల్లో లేక పోయినా, ఇతడి కుటుంబం నుండి ఒక్కొక్కర్ని ఇండస్ట్రీకి పరిచయం చేస్తున్నాడు. ఇప్పటికే రామ్ చరణ్, బన్నీ లాంటి వారు ఇండస్ట్రీలో స్టార్లు గా పేరు తెచ్చుకున్నారు. ఇక ఇప్పుడు అల్లు అర్జున్ తమ్ముడు అల్లు శిరీష్ ఎంట్రీ ఇస్తున్నాడు. ఈయన ప్రస్తుతం ‘గౌరవం ’ అనే సినిమాలో నటిస్తున్నాడు. ఇతను ఓ సందర్భంలో తన సినిమా ఎంట్రీ గురించి చెబుతూ... నేను సినిమాలో ఇంట్రీ ఇద్దామనుకున్నప్పుడు చిరంజీవిగారితో ఈ విషయం చెబితే... ఆయన నాకు క్లాస్ తీసుకున్నారట. నీవు ఇండస్ట్రీకి ఎందుకు రావాలనుకుంటున్నావు . నీలో ఏముందని ప్రేక్షకుడు నీ సినిమా చూస్తారు అంటూ చిరంజీవి ప్రశ్నించేసరికి శిరీష్ ఆలోచనలో పడ్డాడట. అయితే, చివరికి తాను చెప్పిన సమాధానానికి చిరంజీవి సంతృప్తి చెంది, సినిమాల్లో నిలదొక్కుకోవడానికి ఎన్ని కష్టాలు పడాలో అన్నీ వివరించి చెప్పి, ప్రోత్సహించారట. ఆయన చెప్పిన మాటలు తనకెంతో హెల్ప్ అయ్యాయని శిరీష్ అంటున్నాడు. సో చిరంజీవి ప్రస్తుతం సినిమాల్లో లేక పోయినా, తన వారికి మంచి క్రమశిక్షణ నేర్పిస్తున్నాడని అంటున్నారు.