Posted: 11/05/2012 12:14 PM IST

స్టైలిష్ స్టార్ అల్లు అర్జున్ ‘జులాయి ’ సినిమా తరువాత పూరీ జగన్నాథ్ దర్శకత్వంలో  ‘ఇద్దరు అమ్మాయిలతో ’ అనే టైటిల్ తో ఓ సినిమా చేయబోతున్న విషయం తెలిసిందే. ఈ సినిమా ప్రారంభోత్సం కూడా ఇటీవలే జరిగింది. ఇందులో హీరోయిన్లుగా అమలాపాల్, తాప్పీలు నటిస్తున్నారు. ఈ సినిమా షూటింగును మొత్తం స్పెయిల్ లో  చేద్దామనుకున్నారు. కానీ అక్కడి లొకేషన్లు నచ్చక దర్శకుడు పూరీ ఆస్ట్రేలియాలో చేద్దామన్నాడు. ఆస్ట్రేలియా అనగానే బన్నీ ఒక్కసారిగా బెంబేలెత్తి పోయాడట. ఎందుకంటే... గతంలో రామ్ చరణ్ తేజ ‘ఆరెంజ్ ’ సినిమా భారీ బడ్జెట్ తో షూటింగ్ మొత్తం అక్కడే తీశారు. కానీ ఆ సినిమా అట్టర్ ఫ్లాఫ్ కావడంతో బన్నీకి కూడా అదే భయం పట్టుకుందట. అక్కడ షూటింగ్ చేస్తే తన సినిమా కూడా అలాగే అవుతుందనే ‘సెంటిమెంటు ’తో బన్నీ అక్కడ షూటింగ్ వద్దంటున్నాడట. బన్నీ కోసం న్యూజిలాండ్ వెళ్లాలన్న మరో ఆలోచనా పూరీకి ఉందట. బన్నీ కోరుకుంటున్నదీ ఇదే. అయితే సినీ జనాలు మాత్రం కథలో బలం ఉంటే... ఎక్కడు షూటింగ్ చేస్తే ఏమిటి ? ఎక్కడ షూట్ చేసినా సూపర్ హిట్ అవుతుందని అంటున్నారు. అంటే పూరీ జగన్నాథ్ కథలో అంత బలం లేదనే ఫీలింగులో బన్నీ ఉన్నాడా ?