Posted: 06/12/2012 05:57 PM IST

సంగీత బిజ్లానీ, సల్మాన్ ఖాన్...అలనాడుఈ జంట తమ ఎఫైర్ తో వేడి వేడి వార్తలను జనరేట్ చేసిన సంగతి తెలిసింది. తర్వాత ఏమైందో ఏమో కానీ సింపుల్ గా అజారుద్దీన్ ను పెళ్లి చేసుకొని సెటిలైపోయింది సంగీత. ఈ మాజీ మిస్ ఇండియా రెండో పెళ్లి అజరుద్ధీన్ ను పెళ్లి చేసుకోవడం అప్పట్లో సంచలనం అయితే ప్రస్తుతం ఈ జంట విడిగా ఉండటం మరో విశేషం. ఆ మధ్య అజారుద్ధీన్ కూడా ఒక షటిల్ క్రీడాకారిణితో సెటిల్ అయ్యే ప్రయత్నంలో ఉన్నాడని వార్తలు వచ్చాయి. ప్రస్తుతానికైతే అజర్ భాయ్ - సంగీతలు విడివిడిగా ఉంటున్నారు. దీంతో సంగీత తన పాత సన్నిహితులకు తిరిగి దగ్గరయ్యే ప్రయత్నం చేస్తోంది. సల్మాన్ తో వ్యవహారం నడిపిన కాలంలో వారి కుటుంబానికి కూడా ఈమె బాగా దగ్గరైంది.

అజర్ తో వివాహం తర్వాత కూడా సంగీత సల్మాన్ కుటుంబం మధ్య బంధం అలాగే కొనసాగింది. ఇప్పుడు మళ్లీ సింగిల్ అయిపోయిన సంగీత తరచూ సల్మాన్ ఫ్యామిలీతో కలుస్తోంది. ఇటీవల వీరంతా కలిసి ఒక హాలీవుడ్ సినిమాకు వెళ్లి మీడియా కంట పడ్డారు. దీంతో సల్మాన్, సంగీతలు కలిసి మళ్లీ వేడి పుట్టించడం ఖాయం అని అనుకుంటున్నారు బాలీవుడ్ జనాలు. ఏది ఏమైనా సల్మాన్ ఖాన్ తో ఇది వరకు ప్రేమ వ్యహారాలు నడిపిన చాలా మంది అతనిని మరచి పోలేకనే మళ్ళీ దగ్గరవుతున్నారనే వార్తలు వినిపిస్తున్నాయి.