Posted: 05/31/2012 09:36 PM IST

మన టాలీవుడ్ లో ఎక్కువ మంది హీరోయిన్లు వేరే దగ్గరి నుండి దిగుమతి అయిన వారే. వివిధ రాష్ట్రాల నుండి వచ్చి ఇక్కడ పాగా వేసి మంచి హీరోయిన్లుగా పేరు తెచ్చుకుంటున్నారు. ఇక్కడ కాస్తో కూస్తో పేరు వచ్చిన తరువాత బాలీవుడ్ కి వెళ్లి పోయి ఆ తరువాత కనిపించకుండా పోతున్నారు. ఇది టాలీవుడ్ లో గత కొన్ని సంవత్సరాలుగా జరుగుతున్న తుంతు. ఇప్పుడు అదే కోవలోకి వస్తుంది మళయాళ ముద్దుగుమ్మ ఆసిన్ గత పది సంవత్సరాలుగా తెలుగు ప్రేక్షకులకు సుపరిచితం అయిన ఈ అమ్మడు ఈ మధ్యనే బాలీవుడ్ కి వెళ్ళి అక్కడ కూడా ఓ మాదిరి పేరు తెచ్చుకుంది. ఇప్పుడు తెలుగులో ఈ అమ్మడుకి అసలే అవకాశాలు లేకుండా పోయాయి.

అవకాశాల సంగతి అటుంచితే.... ఆసిన్ కి వయస్సు మీదపడిందనే కామెంట్లు వస్తున్నాయి. దీంతో పెండ్లి చేసుకోవాలనే నిర్ణయానికి వచ్చినట్లు సమాచారం. ప్రస్తుతం ఈ భామకి 26 సంవత్సరాలు. తన వయస్సు ముదిరిపోయిందని వచ్చిన వార్తల పై స్పందిస్తూ... 26 సంవత్సరాలకే ముదిరిపోయినట్లా అంటూ ఎదురు ప్రశ్నలు వేస్తుంది. అవకాశాలు లేకపోవడం, బయటి నుండి కామెంట్లు రావడం, ఎలాగు 26 సంవత్సరాలు ఉన్నాయి ఇంకా ఎన్ని రోజులు ఆగాలి అనుకుందో ఏమో... అర్జెంటుగా మాంచి దిట్టగా ఉండే దక్షిణాది కుర్రాణ్ణి చూసి పెండ్లి చేసుకోవాలని ఫిక్సయిపోయిందని వార్తలు. మరి ఈ విషయాన్ని ఎప్పుడు చెబుతుందో చూడాలి.