Posted: 05/31/2012 09:13 PM IST

ఒక్కొక్కరికి ఒక్కో హాబీ వుంటుంది. కొందరు ప్రాచీన కాలంనాటి నాణాలను సేకరిస్తే, మరి కొందరు స్టాంపులను ... సిగార్ లైట్స్ ను సేకరించడాన్ని హాబీగా పెట్టుకుంటారు. ఇలాంటి వారిని చూసిన వాళ్లు ఎవరి పిచ్చి వారికి ఆనందం అనుకుంటూ ఉండటాన్ని కూడా మనం వింటుంటాం. అయితే నాణాలు - స్టాంపుల సంగతి పక్కన పెడితే, కొన్ని హాబీలు ఒక్కోసారి ప్రాణాల మీదకి తెస్తుంటాయి ... పీకల్లోతు సమస్యల్లోకి తోసేస్తుంటాయి. ఇలాంటి అనుభవమే హీరో మంచు విష్ణుకి ఎదురైందట.

ఇటీవల ఆయన లాస్ ఏంజిల్స్ వెళ్లారు. రకరకాల చాకులు సేకరించే అలవాటు ఉన్న విష్ణు, అక్కడ కొత్తగా కనిపించిన చాకుల్ని కొనుగోలు చేసి ఇండియాకి తిరుగు ప్రయాణమై ఎయిర్ పోర్ట్ కి వచ్చాడు. అయితే అక్కడి తనిఖీ సిబ్బందికి ఈ చాకులతో దొరికిపోయి కంగారు పడిపోయాడట. ఎందుకంటే అవి మారణాయుధాల కిందకి వస్తాయట. తనని అనుమానిస్తోన్న తనిఖీ అధికారులకి వివరణ ఇచ్చుకుని ... క్షమాపణ చెప్పుకుని బైట పడ్డాననీ, లేదంటే జైల్లో ఉండేవాడినని విష్ణు తన ట్విట్టర్ లో పోస్ట్ చేశాడు. ఏదేవైనా విచిత్రమైన హాబీలు వుంటే వింత అనుభవాలు ఎదురౌతుంటాయని విష్ణు మరోసారి నిరూపించాడు.