Posted: 03/21/2012 04:04 PM IST

సెలబ్రెటీలు ఎప్పుడు ఎవరితో ఎఫైర్ లు నడుపుతారో తెలియదు. ఎప్పుడు విడిపోతారో తెలియదు. తాజా మన ఇండియన్ యువ క్రికెటర్లు అయితే ఈ మధ్య బాలీవుడ్ హీరోయిన్లతో తెగ ఎంజాయ్ చేస్తున్నారు. మన ఇండియన్ క్రికెటర్లలో ధోని, యువరాజ్ సింగ్, హర్జజన్ సింగ్, శ్రీశాంత్, ఇర్ఫాన్ పఠాన్ లాంటి వాళ్ళు అమ్మాయిలతో ఎంజాయ్ చేసిన వారి లిస్టులో ఉన్నారు. తాజాగా ఈ కోవలోకి యంగ్ క్రికెటర్ సురేష్ రైనా కూడా వచ్చి చేరాడు. గతంలో ఇతగాడు ఓ సెంట్రల్ మినిష్టర్ కూతురితో చెట్టాపట్టాల్ వేసుకొని తిరిగాడని వార్తలు వచ్చాయి.

అందులో నిజమెంతో తెలియదు కానీ తాజాగా ఇతగాడు బాలీవుడ్ నటి అనుష్క శర్మతో డేటింగ్ చేస్తున్నాడని వార్తలు. ప్రస్తుతం రైనా, అనుష్క మధ్య కెమిస్ట్రీ బాగా కుదిరినట్టు సన్నిహితులు చెబుతున్నారు. వీరిద్దరూ మొదటి సారి లండన్‌లో ఓ పార్టీలో కలిశారట. గతేడాది భారత్ ఇంగ్లండ్ పర్యటనకు వెళ్లినపుడు రైనా, అనుష్క మధ్య స్నేహం విరిసిందని ఓ ప్రముఖ పత్రిక వెల్లడించింది. ఆ తర్వాత అదే స్నేహాం ముదిరి డేటింగ్ దాకా వెళ్లినట్టు సమాచారం. ఈమె గతంలో బాలీవుడ్ నటులు రణ్‌వీర్ సింగ్, రణ్‌బీర్ కపూర్‌లతో ఎఫైర్లు నడిపింది. అయితే వారి పై మోజు తీరగానే ఇతడితో ఎంజాయ్ చేస్తుందని బాలీవుడ్ వర్గాలు అంటున్నాయి.