Posted: 03/14/2012 01:11 PM IST

అందమంటే శ్రీదేవిదే!...తెలుగువారందరూ ముక్తకం అంగీకరించే మాటిది! ఈ అతిలోక సుందరి అందానికి,అభినయానికి ఫిదా అయిపోనివారుండరంటే అతిశయోక్తికాదు. యాభయ్యవపడిలో కూడా నిత్యయవ్వనిలా తరగని అందంతో తళుకులీనడం ఒక్క శ్రీదేవికే సాధ్యమవుతోంది. ఇటీవల ముంబైలో జరిగిన ఓ కార్యక్షికమానికి కూతురు జాహ్నవితో కలసి హాజరైంది శ్రీదేవి. ఒకేరకమైన వస్త్రాలంకరణతో కార్యక్రమంలో తల్లీకూతుళ్లు ప్రత్యేకార్షణగా నిలిచారు. వీరిద్దరినీ చూస్తుంటే అక్కాచెప్లూళ్లలా వున్నారని ఆహుతులు మచ్చటించుకున్నారట! కూతురు జాహ్నవిని కథానాయికగా అరంగేట్రం చేసే ఆలోచనలో శ్రీదేవి వున్న విషయం తెలిసిందే. తనకు స్టార్‌డమ్‌నిచ్చిన తెలుగు సినీరంగం ద్వారానే కూతురిని పరిచయం చెయ్యాలనే ఆశతో ఆమె వున్నట్లు సన్నిహితులు చెబుతున్నారు. అక్కినేని అఖిల్ హీరోగా పరిచయమయ్యే చిత్రం ద్వారానే జాహ్నవి కథానాయికగా సినీ పరిక్షిశమలోకి అడుగుపెట్టబోతోందని విశ్వసనీయ వర్గాల సమాచారం. అయితే భర్త బోనికపూర్ మాత్రం జాహ్నవిని హిందీ చిత్రం రంగం ద్వారానే పరిచయం చేసే ఆలోచనలో వున్నట్లు తెలిసింది.