Posted: 02/22/2012 08:37 PM IST

టాలీవుడ్ లో అగ్ర హీరోయిన్ గా కొంత కాలం వెలుగు వెలిగిన త్రిష ప్రస్తుతం అవకాశాలు వెతుక్కునే స్థాయికి పడిపోయింది. దానికి కారణం త్రిష వయస్సు అయిపోవడం వలనో లేక వేరే కారణం చేతనో కాదు.... సినీ ఇండస్ర్టీలో కొత్త భామల తాకిడి ఎక్కువడంతో దర్శకులు కూడా కొత్త సరుకు కోసం చూస్తున్నారు.

అడపా దడపా సినిమాలు చేస్తున్న త్రిష ప్రస్తుతం ఎన్టీఆర్ సరసన దమ్ము చిత్రంలో చేస్తుంది. గత కొన్ని రోజుల నుండి త్రిష మీద అనేక గాసిప్స్ వచ్చాయి. త్రిష ఓ వ్యాపారవేత్తతో ఎఫైర్ సాగిస్తుందని త్వరలో పెళ్ళి కూడా చేసుకోబోతుందని ఆ మధ్యన వార్తలు వచ్చాయి.
అవన్నీ గాలి వార్తలే అయినా తాజాగా త్రిష ముంబయిలో త్వరలో తన పెళ్ళి జరగబోతున్నదని చెప్పినట్లు సమాచారం. త్వరలో తన ప్రియుడు పేరు పెళ్ళి డేటు కూడా చెప్పబోతున్నట్లు సమాచారం. మొత్తానికి త్రిష సస్పెన్స్ కి తెర దించబోతుందన్న మాట.