Posted: 02/20/2012 05:26 PM IST

తెలుగులో ఇప్పడిప్పుడే అందిన అవకాశాలను సద్వినియోగం చేసుకుంటూ కెరియర్లో ఒక్కోమెట్టు ఎక్కుతున్న భామ అమలా పాల్. చూడటానికి అమాయకురాలిగా ఉన్న ఈ భామ రీసెంటుగా సిద్దార్థ తో ఓ చిత్రం చేసింది. ఆమె సినిమా సంగతులు ప్రక్కన పెడితే.. ఈ మధ్యన అమలాపాల్ ని ఓ విలేఖరి చెన్నైలో ఓ టీవి ఛానెల్ లైవ్ షోలో పాల్గొనడానికి బుక్ చేసుకున్నాడట.

అయితే అమలా ఈ ప్రోగ్రామ్ కి వెళ్ళడానికి ముందు తెగ బిల్డప్ ఇచ్చేసిందట. ఈ ఛానెల్ ఆఫీసుకి వెళ్లాలంటే కార్ పార్కింగ్ నుండి ఓ నాలుగైదు అడుగులు వేసి ఆఫీస్ లోకి ప్రవేశించాలట. కానీ ఈమె అవి కూడా వేయడానికి బద్దకింది ఆఫీసు ముందే ఆపమని పట్టుబట్టిందట. దీంతో చేసేదేమీ లేక ఆ విలేఖరి వారిని ఇప్పించాడట. కారు దిగిన తరువాత కూడా ఈ అమ్మడు ఆకలి వేస్తుంది బర్గర్ తిని వస్తానని చెప్పి వెళ్లిందట. తాపీగా తిని అప్పడు గానీ ఈవిడ గారు లోపలికి వెళ్ళలేదట. ఈమె చేస్తున్న చేష్టలకి ఆ విలేఖరికి చెమటలు పట్టాయట. ఎలాగోలాగో ఈ లైవ్ షో కంప్లీట్ చేసి వెనక్కి పంపించే సరికి ఆయన తల ప్రాణం తోకకు వచ్చిందని సమాచారమ్. ఈ విషయం తెలుసుకున్న దర్శక నిర్మాతలు కూడా ఈమెతో సినిమాలు చేయడానికి ఇష్టపడటం లేదట. అమలాపాల్ కి అంత పొగరు అవసరం లేదని కూడా చెన్నై జనాలు తెగ అనుకుంటున్నారట.