Posted: 02/20/2012 05:12 PM IST

ప్రముఖ దర్శకుడు శంకర్ దర్శకత్వంలో వచ్చిన ‘బాయ్స్’ చిత్రం ద్వారా వెండి తెరకు పరియచం అయిన హీరో భరత్. ఈ సినిమాలో నటించిన ఇంకొక హీరో సిద్దార్థ్. ఆ సినిమా తరువాత ఈ ఇద్దరే సినిమా రంగంలో కొనసాగారు. సిద్దార్ట్ మంచి హీరోగా గుర్తింపు పొందాడు. అందులో ఇంకో హీరో భరత్ కూడా ‘ప్రేమిస్తే’ చిత్రం ద్వారా ప్రేక్షకుల దగ్గర మంచి మార్కులే కొట్టేసాడు. ప్రేమిస్తే తరువాత అతనికి తెలుగులో పెద్ద అవకాశాలు రాలేదు. తమిళంలో అడపాదడపా సినిమాలు చేస్తు ఈ రంగంలోనే కొనసాగుతున్నాడు.

ఈ ప్రేమికుడు తాజాగా ‘బుజ్జిగాడు మేడిన్ చెన్నయ్ ’ ద్వారా తెలుగు తెరకు ఎంట్రీ ఇచ్చిన సంజనాతో లవ్ లో పడ్డాడని సమాచారం. వీరు తాజాగా జరిగిన సీసీఎల్ సీజన్2 లో వీరి ప్రేమ చిగురించినట్లు సినీ వర్గాలు అంటున్నాయి. సంజన సీసీఎల్ ప్రచారకర్తగా వ్యవహరించి అందరినీ ఉత్సాహపరిచింది. ఈ సీసీఎల్ టోర్నీలోనే మనోడు సంజనాని పటాయించినట్లు తెలుస్తుంది. అప్పటి నుండి వీరు కలిసి తిరగడమే కాకుండా మొన్న ప్రేమికుల రోజున కూడా ఏకాంతంగా వేడుకలు జరుపుకున్నట్లు సమాచారం. మరి ఇతగాడు ఆమెను ఎన్ని రోజులు ‘ప్రేమిస్తా’డో చూడాలని అంటున్నారు సినీ జనాలు.