Posted: 02/18/2012 07:28 PM IST

కలర్స్ చానల్ షో బిగ్‌బాస్ షో ఎంత పాపులర్ అయ్యిందో అందరికీ తెలిసిన విషయమే. ఈ షో ఈ మధ్యనే 5 ఎపిసోడ్ లు కంప్లీట్ చేసుకుంది. ఈ బిగ్ బాస్ 5లో గయ్యాళిగా పేరు తెచ్చుకున్న మోడల్ వీజే పూజా మిశ్రా. ఈ షోలో తన గయ్యాళి తనాన్ని ప్రదర్శించి అందరి కళ్లలో పడింది. అలాంటి భామ ఇప్పుడు తన ‘ఐటెం’ అందాలను ఆరబోయడానికి సిద్ధం అయింది. ఈ అమ్మడు. ‘బజా బజా దూంగా’ అనే ఐటెంసాంగ్‌తో బాలీవుడ్‌లోకి ప్రవేశించాలని ఆశపడుతోంది. మున్నీ బద్నాం, చిక్నీ చమేలీ గీతాల్లో మాదిరిగా తన నృత్యాలు ఉంటాయని కూడా థీమాగా చెబుతోంది. ‘బజా బజా దూంగా’ ఐటెంసాంగ్ చేస్తున్నాను. నాకు నాట్యం అంటే ఇష్టం కాబట్టి ఇందులో నటించడం అద్భుతంగా అనిపించింది.

సినిమాను ప్రేక్షకుల దగ్గరికి తీసుకెళ్లాలంటే ఇలాంటి పాటలు బాగా ఉపయోగపడతాయని చెబుతొంది. కత్రినా కైఫ్ లాంటి ఎంతో మంది పెద్ద తారలే ఐటెంసాంగ్స్ చేస్తున్నారు కాబట్టి నాకూ ఇలాంటి వాటిపై అభ్యంతరాలేవీ లేవు’ అంటూ పూజ తన మనసులోని మాటను బయటపెట్టింది. మున్నీ బద్నాం, చికినీ చమేలీలాగే పాట కూడా ప్రేక్షకుల ఆదరణ పొందుతుందని ధీమాగా చెప్పింది. గయ్యాళి భామగా పేరు తెచ్చుకున్న ఈమె ఏ మేరకు అందాలు ఆరబోస్తుందోనని బాలీవుడ్ జనాలు ఆశగా ఎదురు చూస్తున్నారు.