యాక్షన్ 3డి సినిమా ప్రివ్యూ

Posted: 06/21/2013 09:51 AM IST

కామెడీ హీరోగా పేరు తెచ్చుకున్న అల్లరి నరేష్ కి అన్ని వర్గాల ఫ్యాన్స్ ఉన్నారు. తొలిసారిగా 3డీలో కామెడీ చిత్రంలో నటించడమే కాకుండా, ఆయన కెరియర్లో అంత్యంత ఎక్కువ బడ్జెట్ తో రూపొందిన ‘యాక్షన్ ’ 3డీ చిత్రం నేడు ప్రేక్షకుల ముందుకు రాబోతుంది. మొదటి నుండి భారీగా అంచనాలు ఏర్పడ్డ ఈ చిత్రం ఎలా ఉండబోతుందోనని ప్రేక్షకుల్లో ఆస్తకి నెలకొంది. అంతే కాకుండా ఈ సినిమాకు అదనపు హంగులు చాలానే ఉన్నాయి. మరి కొద్ది సేపట్లో ఈ చిత్రానికి సంబంధించిన ప్రివ్యూ ఏంటో చూద్దాం.

చిన్ననాటి స్నేహితులు అయిన బావ, శివ, పురుష్‌, అజయ్‌ ఈ నలుగురూ కలివిడిగా ఉంటారు. ఒకరి మధ్య ఒకరికి మంచి అనుబంధం ఉంటుంది. ఒకసారి వీరంతా కలిసి కలిసి హైదరాబాద్‌ నుంచి గోవాకి రోడ్డుమార్గంలో బయల్దేరతారు. ఆ ప్రయాణంలో ఎలాంటి అనుభవాలు ఎదురయ్యాయి? గోవా వెళ్లాక ఏం జరిగింది? అనే విషయాలే ఈ సినిమా స్టోరి. ఇక ఈ చిత్రంలో సుదీప్, సునీల్ గెస్ట్ రోల్స్ పాత్రలు అందరిని ఆకట్టుకుంటాయని దర్శకుడు అంటున్నారు. ఇక ఇందులో ‘స్వాతి ముత్యపు జల్లు లో ’ అనే పాటను రీమేక్ చేశారు. ఈ పాట ప్రేక్షకుల్ని అలరిస్తుందని అంటున్నారు.