Posted: 07/19/2013 12:28 PM IST

కామెడీ హీరో గా తనకంటూ ఓ ప్రత్యేకతను సంపాదించుకున్న అల్లరి నరేష్ ఈ మద్యనే ‘యాక్షన్ 3డి ’ చిత్రంతో  ప్రేక్షకుల ముందుకు వచ్చిన విషయం తెలిసిందే. ఆచిత్రం అనుకున్నంత స్థాయిలో ప్రేక్షకులను అలరించకపోయినా, దానికి మరిపించడానికి ‘కెవ్వు కేక ’ చిత్రంతో నేడు మళ్ళీ ప్రేక్షకుల ముందుకు వస్తున్నాడు. దేవీ ప్రసాద్ దర్శకత్వంలో షర్మిల మాండ్రే హీరోయిన్ గా రూపొందిన ఈ చిత్రం ఓ కామెడీ క్రైమ్ తో ప్రేక్షకులను అలరించడానికి సిధ్ధం అయింది. ఈ చిత్రం యొక్క ప్రివ్యూ ఏంటో చూద్దాం.

కథ : ఈ సినిమాలో అల్లరి నరేష్ (బుచ్చి బాబు) ఎమ్మెస్ నారాయణ కూతురు మహాలక్ష్మి ( షర్మిలా మాండ్రే) తో ప్రేమలో పడతాడు. కానీ హీరోయిన్ తండ్రికి బాగా డబ్బు పిచ్చి. తన కూతుర్ని పెద్ద కోటీశ్వరుడికి ఇచ్చి పెళ్ళిచేయాలనుకుంటాడు. కానీ సేల్స్ మెన్స్ ఉద్యోగం వెలగబెట్టే బుచ్చిబాబు దగ్గర డబ్బు ఉండదు. డబ్బు సంపాదిస్తేనే నా కూతుర్ని ఇస్తానని చెప్పడంతో ఆరు నెలల్లో కోటీశ్వరుడ్ని అయి నీ కూతుర్ని పెళ్లి చేసుకుంటానని ఛాలెంజ్ చేసి బ్యాంకాక్ బయలు దేరుతాడు. ఆ ప్రయాణంలో బుచ్చి బాబుకి ఎదురైన సంఘటనలు, తెలిసిన నిజాలు. చివరికి ఎలా డబ్బు కూడ బెడతాడు, మహాలక్ష్మిని పెళ్ళాడతాడా లేదా అనేదే మిగతా కథ.