ఇప్పటి వరకు కడుపు నిండా అన్నం తినని అక్కినేని

Posted: 09/20/2013 09:58 AM IST

నటుడు అక్కినేని నాగేశ్వరరావు ఇప్పటి వరకు కడుపు నిండ అన్నం తినలేదని, ఆయనే స్వయంగా చెప్పటం విశేషం. అక్కినేని నాగేశ్వరరావుకి 90 సంవత్సరంలోకి అడుగుపెడుతున్న సందర్భంలో ఆయన ఆకాశవాణి రేడియోతో కొన్ని నిజాలను పంచుకున్నారు. 25 సంవత్సరాలకే మంచి స్టార్ హీరోగా గుర్తింపు తెచ్చుకున్న నాగేశ్వరరావు.. తన కుటుంబం కోసం కొన్నింటిని త్యాగం చెయాల్సిన అవసరం వచ్చిందని చెబుతున్నారు. చిన్నతనంలోనే కడుపు నిండా అన్నం తినని రాత్రులు ఎన్నో గడిపినట్లు ఆయన చెబుతున్నారు. అయితే స్టార్ హీరో అయినప్పటికి చేతిలో సకల సుఖాలు ఉన్నప్పటికి తన తల్లికి ఇచ్చిన మాట కోసం కొన్నింటికి దూరంగా ఉన్నట్లు ఆయన చెబుతున్నారు. 90లో కూడా తెరపై కనిపించి.. ఆయన అభిమానులను ఆనందపరచటానికి అనేక కారణాలు ఉన్నాయని అక్కినేని నాగేశ్వరరావు అంటున్నారు. ఇప్పటి వరకు భారత దేశంలో ఎవ్వరికి రానీ అవార్డులు, రివార్డులు, అక్కినేని సొంతం చేసుకున్నారు. ఇప్పటి వరకు 1200 వందల అవార్డులు అక్కినేని గ్యాలరీలో ఉన్నాయి. వీటి వెనుక ఆయన కఠరోమైన శ్రమ ఉందని అంటున్నారు. తన కుటుంబ సభ్యుల్లో చాలా మంది టాలీవుడ్ కే అంకితం అయ్యారు. ఆయన కొడుకులు, కూతుళ్లు, మనవరాళ్లు, మనవళ్లలతో కలిసి హాయిగా జీవితం సాగిస్తున్నారు. కానీ ఇంత హాయిగా ఉన్నప్పటికి అక్కినేని ఇప్పటి వరకు కడుపు నిండా అన్నం తినకపోవటం అనేది ఆశ్చర్యంగా ఉందని అభిమానులు అంటున్నారు.