పవన్ గబ్బర్ సింగ్ - 2 లేనట్లే

Posted: 07/23/2013 06:10 PM IST

ఈ మధ్య కాలంలో మెగా హీరోలకు సరైన కథలు వినిపించే దర్శకుడు ఇండస్ట్రీలో దొరకడం లేదా, చాలా మంది దర్శకులు కథలు వినిపించినా అవి మెగా హీరోలకు నచ్చడం లేదా లేక వారే కావాలని కథలను రిజెక్ట్ చేస్తున్నారో ఏమో తెలియడం లేదు. నిన్నటికి నిన్న రామ్ చరణ్ తో కొరటాల శివ సినిమా లేదనే వార్తలు షికార్లు చేశాయి. నేడు పవర్ స్టార్ పవన్ కళ్యాణ్ పై ఓ వార్త బయలు దేరింది ఫిలింనగర్ నుండి. పవన్ కళ్యాణ్ త్వరలో సంపత్ నందితో గబ్బర్ సింగ్ సినిమా చేయబోతున్నాడనే విషయం తెలిసిందే. కానీ ఇప్పుడాచిత్రం అటకెక్కిందని లేటెస్ట్ పుకారు. పవన్ కళ్యాణ్ కి సంపత్ నంది చెప్పిన కథ నచ్చలేదని అందుకే ఈ సినిమాలో పవన్ చేసేందుకు సుముఖంగా లేడని, అదే టైంలో ఈయన మెహర్ రమేష్ తో చేయడానికి ఆసక్తి చూపుతున్నాడని అంటున్నారు. కానీ మెహర్ రమేష్ గత చిత్రాల రికార్డును చూసిన ఆయన సన్నిహితులు మాత్రం అతనితో సినిమా చేయవద్దని వారిస్తున్నాడట. అతన్ని నమ్ముకుంటే భారీగా నష్టపోవాల్సి వస్తుందని, సంపత్ నందిని నమ్ముకుంటే కాస్తంత బెటర్ అని సూచిస్తున్నారట. మరో వార్త ఏంటంటే... ‘గబ్బర్ సింగ్ - 2’ టైటిల్ పేటెంట్ హక్కులు కలిగిన సిప్పీ రమేష్ పిల్లలు ఈ టైటిల్ పెట్టుకున్నందుకు భారీగా రాయాల్టీని ఆశిస్తున్నారని ‘గబ్బర్ సింగ్ ’ టైంలో పాతిక లక్షలు అడిగిన వారు ఇప్పుడు ఏకంగా రెండు నుండి మూడు కోట్ల వరకు డిమాండ్ చేస్తున్నారని ఇంత ఖర్చు పెట్టి ఆ టైటిల్ ని తీసుకోవడం వేస్టని భావించి ఈ ప్రాజెక్టును ఆపేయబోతున్నారని కూడా ప్రచారం జరుగుతుంది. అయితే ‘గబ్బర్ సింగ్ -2 ’ టైటిల్ సినిమా ఉండదో, లేక వీరి ప్రాజెక్టే ఉండదో తెలియాలంటే ఇంకాస్త టైం పడుతుంది.