బొత్స కామెంట్ వెనుక ఎవరు ఉన్నారు?

Posted: 07/19/2013 05:48 PM IST

పీసీసీ అధ్యక్షుడు బొత్స సత్యనారాయణ, దివంగత మాజీ ముఖ్యమంత్రి వైఎస్ రాజశేఖర్ రెడ్డి వ్యక్తి విషయాలను బయట పెట్టి, రాజకీయల్లో పెను సంచలనం స్రుష్టించారు. ఇప్పటి వరకు వైఎస్ రాజశేఖర రెడ్డి వ్యక్తి విషయాల గురించి ఎవ్వరికి తెలియవు. కానీ బొత్స చేసిన వ్యాఖ్యలతో వైఎస్ఆర్ అభిమానులు, రాష్ట్ర ప్రజలు , రాజకీయ వేత్తలు, మేథావులు ఒక్కసారిగా షాక్ తిన్నారు. నిజంగా వైఎస్ఆర్ మందు తాగేవారే? ఆయన మందు తాగుంటే.. బొత్స ఏం చేసేవారు? ఇప్పటి వరకు ఇలాంటి విషయాలన్ని బయటపెట్టని బొత్స, ఇప్పుడెందుకు బయట పెట్టారు? బొత్స వ్యాఖ్యల వెనుక ఎవరిదైన హస్తం ఉందా? లేక వైఎస్ఆర్ కాంగ్రెస్ పార్టీ ఎదుగుదల మీద దెబ్బకొట్టడానికే బొత్స ఇలాంటి వ్యాఖ్యలు చేశారా? వైఎస్ఆర్ పై బొత్స ఎందుకు దూకుడు పెంచాడు? గల్లీ లీడర్ గా ఉన్న బొత్సను స్టేట్ లీటర్ గా చేసిన వైఎ రాజశేఖర రెడ్డి పై బొత్సకు కక్ష్య ఎందుకు ? అనే యక్ష ప్రశ్నలు ప్రతిఒక్కరి మదిలో పుడుతున్నాయి. ఒకవేళ బొత్స తన ఉనికి చాటుకోవటానికి వైఎస్ఆర్ ను వాడుకున్నారా? అనే అనుమానం రాష్ట్ర ప్రజల మద్య తలెత్తుతుంది. ఈ మధ్య కాలంలో కాంగ్రెస్ పార్టీలో కొంతమంది నాయకులు అమ్మ దర్శనం కోసం వైఎస్ఆర్ కాంగ్రెస్ పార్టీ మీద విచిత్రమైన విమర్శలు చేస్తూ, మీడియా ముందు పోజులు కోడుతున్నారని వైసీపీ నాయకులు అంటున్నారు. కానీ బొత్స చేసిన వ్యాఖ్యల వెనుక ఒక సీనియర్ నాయకుడు హస్తం ఉన్నట్లుగా గాంధీ భవన్ లో వైఎస్ఆర్ అభిమాన నాయకులు చెవులు కోరుకుంటున్నారు. కేవలం ఆ సీనియర్ నాయకుడు బలవంత మేరకు బొత్స సత్యనారాయణ వైఎస్ పై విమర్శలు చేసినట్లు కాంగ్రెస్ పార్టీ సీనియర్ నాయకులు అంటున్నారు. బొత్సను బెదిరించిన ఆ సీనియర్ నాయకుడు ఎవరు అనేది కొద్ది రోజుల్లో బయటకు వస్తుందని వైఎసఆర్ అభిమానులు అంటున్నారు.