జూబ్లిహిల్స్ లో బట్టలు అమ్ముతున్నారు

Posted: 05/13/2013 03:10 PM IST

సినిమా సెలబ్రెటీలు తన వ్రుత్తి తో పాటు వ్యాపారాలు నిర్వహిస్తుంటారు. ఇప్పటికే చాలా మంది వివిధ వ్యాపారాల్లో రాణిస్తున్నారు కూడా. తాజాగా ఈ జాబితాలో కి జీవిత రాజశేఖర్లు వచ్చి చేరారు. వీరు ఇప్పటికే సినిమా నిర్మాణం, స్కూల్స్ వంటివే కాకుండా, రాజకీయంలో కూడా చేస్తున్నారు. తాజాగా వీరు వస్త్ర వ్యాపారంలోకి అడుపెట్టారు. నగరాల్లో ఫ్యాషన్ ఎక్కువగా పెరిగిపోయిన కారణంగా వస్త్రాలకు డిమాండ్ బాగా ఉంది. దీంతో వీరు ఆడవాళ్ళకు సంబంధించిన వస్త్రాల షాపును ప్రారంభించారు.

హైదరాబాద్ లోని జూబ్లిహిల్స్ లో వీరు పెద్ద షాపును ప్రారంభించారు. ఈ షాపు ప్రారంభోత్సవానికి ముఖ్య అతిథిగా రాజశేఖర్ వచ్చి, రిబ్బన్ కటింగ్ చేశారు. ఈ సందర్భంగా జీవిత పలు విషయాలు చెప్పింది. మా షాపులో అమ్మాయిల అభిరుచికి తగిన రీతిలో డిజైనర్ వస్త్రాలు దొరుకుతాయని, తక్కువ రేటు నుండి ఎక్కువ రేటు కలిగిన అన్ని రకాల డ్రెస్సులు, మెటీరియల్స్ దొరుకుతాయని చెప్పారు. ఈ సందర్భంగా రాజశేఖర్, జీవిత తమ పిల్లలు, ఇతర బంధువులతో షాపులో చాలా సందడి చేశారు.

అయితే సినీ జనాలు మాత్రం వీరి షాపు పై పలు రకాలుగా అనుకుంటున్నారు. వీరు అన్నింట్లో వేలు పెట్టి నష్టపోయారు కాబట్టే వీరిద్దరు కలసి వస్త్రాలు అమ్ముకుంటున్నారని చెవులు కొరుక్కంటున్నారు , సినీ, జూబ్లి హిల్స్ జనాలు. బట్టలు అమ్మడంలో వీరిద్దరు ఏ మేరకు రాణిస్తారో చూడాలి.