అమ్మ హస్తంలో తెలంగాణా

Posted: 04/28/2013 10:31 AM IST

తెలంగాణా రాష్ట్ర ఏర్పాటు నా చేతిల్లో లేదు అని వివరించారు ముఖ్యమంత్రి కిరణ్ కుమార్ కరీం నగర్ జిల్లా భీమదేవరపల్లి గ్రామంలో ప్రారంభించిన అమ్మహస్తం కార్యక్రమంలో.  నిర్ణయం తీసుకోవలసింది కేంద్ర ప్రభుత్వమని, దాన్ని అమలు చేసే బాధ్యత మాత్రం తాను తీసుకుంటానని ఆయన తెలియజేసారు. 

ప్రశాంతంగా జరిగిన బహిరంగ సభలో పొన్నం ప్రభాకర్ లేచి తెలంగాణా రాష్ట్ర ఏర్పాటుకు కృషిచేయ వలసిందిగా ముఖ్యమంత్రికి , పిసిసి రాష్ట్ర అధ్యక్షుడు బొత్సా సత్యనారాయణకు అభ్యర్థనలు చేస్తూ, జై తెలంగాణా అని నినాదం చేసారు.  దానితో అక్కడున్న సభికులంతా తిరిగి జై తెలంగాణా అంటూ బిగ్గరగా నినదించారు. 

బొత్సా సత్యనారాయణ మాట్లాడటానికి లేచి, ప్రసంగం మొదలుపెట్టగానే మహిళలు మరో సారి జై తెలంగాణా అంటూ నినాదాలు చేసారు.  అయినా ఆయన తన ప్రసంగాన్ని కొనసాగించారు. 

అమ్మ హస్తం కార్యక్రమంలో మాట్లాడుతూ తెలంగాణా అంశం తన హస్తంలో లేదనీ, అదంతా అమ్మహస్తంలోనే ఉందని ముఖ్యమంత్రి చెప్పటం విశేషం.

-శ్రీజ