Posted: 03/20/2013 06:37 PM IST

నాకు పరిచయం చేసిన  అమ్మాయితో  డేటింగ్ ఎప్పుడు యూవీ అని అడిగే  ఆటగాడు ఒకరు జట్టులో  ఉన్నట్లు సమాచారం.  ఈ సన్నివేశంతో పాటు  యూవీతో అనేక సన్నివేశాలు జరిగినట్లు తెలుస్తోంది.   యువరాజ్ సింగ్  క్యాన్సర్  భారిన పడిన  సమయంలో  తోటి క్రికెటర్స్ మద్య  జరిగిన  మాటలు ఇవే.  యూవీ క్యాన్సర్ గురించి ధోనికి ముందే  తెలుసునని చెబుతున్నాడు.  యూవీకి క్యాన్సర్ ఉందని  ఓ వ్యక్తి  చెప్పాడు.  నువ్వు చెబుతోంది  నిజమేనా అని  ధోని అడిగినట్లు తెలుస్తోంది.  ఆ సమయంలో  అతను అవుననడంతో   ధోని షాక్ తిన్నాడని సమాచారం.  విరాట్ కోహ్లి  ప్రపంచ కప్  సమయంలో  యూవీ గదికి వెళ్లటం జరిగిందట.  అయితే ఆ సమయంలో యూవీ  విపరీతంగా దగ్గుతుంటే ఏమైందని  కోహ్లీ అడిగిన వెంటనే  క్యాన్సరని యూవీ  చెప్పటంతో..  జోకులేయొద్దని  చెప్పి అక్కడి  నుంచి కోహ్లీ వెళ్లిపోవటం జరిగిందని యూవీ చెబుతున్నాడు.  ఇక సచిన్  అయితే  యూవీని క్యాన్సర్ అని తెలుసుకోని అతని  ముందు ఏడవొద్దని  అనుకున్నట్లు తెలుస్తోంది. 

 

అంతేకాకుండా  యూవీని  చూసినప్పుడు   ఏడవకూడదనుకుంటునన్నట్లు   సచిన్ భార్య అంజలితో చెప్పినట్లు  తెలుస్తోంది.  ఎందుకుంటే  యూవీ  నా తమ్ముడు లాంటి వాడు,  యూవీకి   అలా ఎందుకూ   జరిగిందంటూ  దేవుణ్నడిగానని  సచిన్ చెబుతున్నాడు.  యూవీ క్యాన్సర్ అని తెలిసిన  కూడా  హర్భజన్ సింగ్  (భజ్జీ)  యూవీతో జోకులు, సరదాగా మాట్లాడినట్లు తెలుస్తోంది.  యూవీ అనారోగ్యం గురించి చర్చించేవాణి కాదని  భజ్జీ చెబుతున్నాడు. కానీ  యూవీతో  మాత్రం  నాకు పరిచయం చేసిన అమ్మాయితో ఎప్పుడు డేటింగ్ ఆరంభించబోతున్నావనే అడిగేవాణ్ని, ఆ సమయంలో  అందరం ఆనందంగా ఉండేవాళ్లమని  భజ్జీ  నవ్వుతూ చెబుతున్నాడు.   తోటి ఆటగాళ్ల  సరదా మాటలతో, జోకులతో యూవీ క్యాన్సర్ జయించినట్లుగా యూవీ అభిమానులు  చెబుతున్నారు. యూవీలో ఉన్న మనోధైర్యంతోనే క్యాన్సర్ జయించటం జరిగిందని వైద్యులు అంటున్నారు.