Posted: 03/20/2013 05:38 PM IST

రాష్ట్ర ముఖ్యమంత్రి  నల్లారి కిరణ్ కుమార్ రెడ్డి, రాష్ట్ర ప్రజలకు, రాష్ట్ర మంత్రులకు, రాష్ట్ర  ఎమ్మెల్యేలకు, రాష్ట్ర కలెక్టర్లకు సలహాలు  ఇస్తారని  మనకు తెలుసు. కానీ ఒక ఎంపీ కొడుకు  స్వయాన  రాష్ట్ర ముఖ్యమంత్రికే  ఉచిత సలహా ఇవ్వటం  ఆశ్చర్యంగా ఉందని కాంగ్రెస్ నాయకులు చెవులు కోరుకుంటున్నారు.  ఈ విషయం పై కాంగ్రెస్ నాయకుల్లో అనేక విమర్శలు వినిపిస్తున్నాయి.  మంత్రులు మాటలే  పట్టించుకోని ముఖ్యమంత్రికి ఎంపీ కొడుకు సలహా ఇవ్వటమా? అని కాంగ్రెస్ నాయకులు నోర్లువెల్లబెడుతున్నారు.  అమలాపురం కాంగ్రెస్ పార్టీ ఎంపీ అయిన  జి.వి. హర్షకుమార్  తనయుడు  జి.వి.శ్రీరాజ్  ఈ సాహాసం చేసినట్లు కాంగ్రెస్ నాయకులు చెబుతున్నారు.  ఎంపీ హర్షకుమార్  తనయుడు  లండన్ స్కూల్  ఆఫ్  ఎకనామిక్స్  అండ్  పొలిటికల్ సైన్సెస్ లో అంతర్జాతీయ  సంబంధాలు , రాజకీయాలు  విభాగంలో  చదువుతున్నట్లు  సమాచారం. అయితే తన తండ్రి తో కలిసి ముఖ్యమంత్రి  కిరణ్ కుమార్ రెడ్డిని కలవటం జరిగింది.  ఈ సందర్భంలో  భూతాపంపై   కలిగే మార్పులను  ముఖ్యమంత్రి వివరించినట్లు సమాచారం.  రాష్ట్రంలో ఉష్ణోగ్రత 50 డిగ్రీలు  దాటితే  ఆ రోజు  సెలవుదినంగా  ప్రకటించాలని  ఎంపీ హర్షకుమార్ తనయుడు జీ.వి. శ్రీరాజ్ ముఖ్యమంత్రికి ఉచిత సలహా ఇవ్వటం జరిగింది. ఆ సమయంలో  ముఖ్యమంత్రి కొంచెం చిరాకు ప్రదర్శించినట్లు  కాంగ్రెస్ నాయకులు అంటున్నారు. సీఎం ముఖం పై రాని చిరునవ్వును తెచ్చుకొని వెటకారంగా ..  ఈ బాధ్యతను  జిల్లా  కలెక్టర్లుకు  అప్పగించాలని.. తగిన మంత్రులకు సూచించారు. అసలే ఆ సమస్యలు , ఈ సమస్యలు అంటూ  ముఖ్యమంత్రికి 100 డిగ్రీలు వేడి పుడుతున్న  సమయంలో  ఎంపీ కొడుకు వచ్చి .. 50 డిగ్రీలు పెరిగితే  సెలవు ఇవ్వండి అంటే.. కిరణ్ .. ఎక్కడో .. కాలి ఉంటుంది.. అందుకే  కొంచెం చిరాకుతో .. కొంచెం ఇష్టంతో  అక్కడ నుండి తప్పించుకున్నట్లు  కాంగ్రెస్ నాయకులు అంటున్నారు.  ప్రపంచంలోని  వివిధ దేశాల్లో  భూతాపం , వేడి పెరిగినప్పుడు  తీసుకొనే చర్యల్ని  ఎంపీ కొడుకు ముఖ్యమంత్రి వివరించినట్లు తెలుస్తోంది.  అయితే ప్రపంచదేశాల వేడి  సంగతి కంటే.. ముందు  ముఖ్యమంత్రికి వేడి పుట్టినట్లుగా..  కిరణ్ తాపం చూడటం జరిగిందని  కాంగ్రెస్ నాయకులు  అంటున్నారు. తరువాత ముఖ్యమంత్రి సదరు ఎంపీకి క్లాస్ పీకినట్లు. కాంగ్రెస్ పార్టీ సీనియర్  నాయకులు గుసగుసలాడుకుంటున్నారు.