Posted: 02/28/2013 12:09 PM IST

వైఎస్ఆర్ కాంగ్రెస్ పార్టీ అధినేత వైఎస్ జగన్మోహన్ రెడ్డి  అక్రమా ఆస్తుల కేసులో అరెస్టై .. చంచల్ గూడ జైల్లో ఉన్న విషయం తెలిసిందే.  జగన్ అరెస్టై .. సుమారుగా  సంవత్సరం కావస్తుంది.  అయితే ఇప్పటికి  జగన్ అనేక సార్లు బెయిల్ కోసం ప్రయత్నం చేసి విఫలమయిన విషయం తెలిసిందే. అసలు జగన్ కు బెయిల్ వస్తుందా? అనే అనుమానం  ప్రజల్లో వస్తుంది. ఇదే అనుమానం  వైఎస్ జగన్ కు కూడా వచ్చి,  ములాఖత్ కు  వెళ్లిన  పార్టీ నాయకులతో తన విచారం వెల్లబుచ్చినట్లు సమాచారం. జగన్ లో తప్పు చేసాననే బాధ బలంగా కనబడుతుందని జైలు అధికారులు అంటున్నారు. గతంలో  ఉత్సహం,  జగన్ లో ఇప్పుడు లేదని, ములాఖాత్ కు వెళ్లిన వారితో కూడా సరిగా మాట్లాడకుండా.. చిరాకుపడుతూ, వెంటనే రెండు, మూడు మాటలు మాట్లాడి వెళ్లిపోతున్నాడని  జైలు అధికారులు చెబుతున్నారు. అంతేకాకుండా  ఇటీవల జగన్ కుటుంబ సభ్యులు  జగన్ వద్దకు రాగా.. వారిని చూసి జగన్ కంటతడిపెట్టినట్లు  తెలుస్తోంది. నేను చాలా పెద్ద తప్పుడు చేశానని,  అసలు పార్టీ పెట్టకుండా ఉంటే,  కాంగ్రెస్ పార్టీని విడవకుండా ఉంటే.. నా జీవితం  ఈ రోజు ఇలా ఉండేది కాదు,  కాంగ్రెస్ పార్టీతో పాటు సర్థుకుపోయి ఉంటే.. ఈ పాటికి కేంద్ర మంత్రిగా ఉండేవాడినని  తన కుటుంబ సభ్యులతో చెప్పి, కంటతడి పెట్టినట్లు జైలు అధికారులు చెబుతున్నారు.  జగన్ లో ఉన్న బాధను అర్థం చేసుకున్న విజయమ్మ, కొడుకు ను శాంత పరిచి,  మనకు మంచి రోజులు వస్తాయని బుద్ది మాటలు చెప్పినట్లు సమాచారం.  అయితే తల్లి విజయమ్మతో  మాత్రం  పర్సనల్ గా పది నిమిషాలు మాట్లాడిన తరువాత  గానీ, జగన్ లో కొంచెం మార్పు వచ్చినట్లు  జైలు అధికారులు  చెబుతున్నారు.